Chapter 61
Dmitri Nikolai
PAGKATAPOS ng almusal, isa–isang pumasok sa loob ng bahay sina Don Franco at Donya Penelope, tahimik pero ramdam sa kilos na may pag–uusapan silang mabigat. Sumunod si Kaydan at si Kassandra — parehong walang imik, pero ramdam ko ang lamig sa pakikitungo nila.
Ako? Naiwan sa tabi ng pool. Pati ang triplets umalis na rin. Niligpit na ng mga katulong ang pinagkainan. Hindi ko rin alam kung saan ko ilulugar ang sarili ko. Kaya nagdesisyon akong maglakad–lakad sa dalampasigan.
Mainit na ang araw pero hindi pa matindi. Tahimik ang paligid, maliban sa hampas ng alon at huni ng mga ibon. Akala ko makakapagpahinga ako ng isip, pero pagdating ko sa may medyo liblib na bahagi ng buhanginan, napansin ko agad ang dalawang batang lalaki.
Parehong may hawak na patpat, plas
