اليتيم

البارت السادس

لاكن قطعهم طرق الباب لتفتح سعاد و تخبرهم بوجود ذلك الزائر الغريب

سعاد..... "في واحد بيقول انه اسمه خالد و قريب مدام لورين وعايز حضرتك"

فهد..... "دخليه الصالون"

زينب..... " و ده عايز اي منك "

فهد...... "مش عارف و الله يا تيته تعالي نشوف" ثم يوجه حديثه الى لورين.... "مهما حصل متخرجيش"

لورين... "حاضر"

ليذهب فهد مع زينب ليسألها قبل ان يدخل..... "هو ده اللى كان عايز يتجوزها "

زينب..... "اه"

ليدخل فهد مرحب به...... "اهلا و سهلا يا ابو نسب ازيك"

خالد....."لا اهل ولا سهلا انا عايز جدتي و بنت عمتي و هنمشي من هنا دلوقتي حالا "

فهد بهدوء و هو يجلس..."اتفضل اقعد بس و نتفاهم "

خالد....."تيته انتِ قاعده هنا ليه هاتى لورين و يلا بينا "

ليض*ب فهد بيده طرف الاريكه الخشبي....." متنطقش اسم مراتي على ل**نك "

خالد....."انا اصلا مش هسمحلك تتجوزها اهلها مش موافقين "

ليضحك فهد بعلو صوته و هو ينظر لساعه يده......" مش هتسمحلى طيب احب اقولك ان دخلتي كانت من 5 ساعات و انا فعلا اتجوزتها و مش بعيد تكون دلوقتي حامل فى ولي العهد "

لينظر خالد إلى جدته مستنجد ليجدها تنظر إلى فهد بفرح...... "الكلام ده تم يا جدتي"

زينب.... "اه يا حبيبي انا اصلا حضرت كتب الكتاب ولما رجعت خدت حاجتي كانو اتجوزو" ليذهب خالد بدون ان ينطق بكلمه واحده فقد خاب امله

ليذهب فهد و زينب لتناول العشاء لتقف لورين بقلق ...."عملت اي "

ليقترب منها فهد وهو يجذبها ناحيته و يضع يده على كتفها بتملك و يجلسه بجواره ....." كان جاي يخدكم بس عرف اننا اتجوزنا و مشي "

لتنظر له لورين بخجل...."تمام "

ليهمس فى اذنها.... "معلش استحملي ايدي علشان تيته و اضحكي "

لتضحك لورين بخجل لتخبرهم سعاد بانا طعام العشاء صار جاهزا

ليتوجهو جميعا إلى طاولة الطعام و يتناولون طعام العشاء معًا في جو أسري فوق الرائع ليأكل فهد لاول مره بشهيه مفتوحه لتمد له زينب يدها

....."خد دي كمان يا فهد "

فهد بمزح....."كفايه حمام ياتيته شويه و هطير "

زينب ....."لا لازم تاكل دي كمان انت عريس و لازم تتغذي "

فهد مازحاً....." إن كان كده ماشي "و هو ينظر إلى لورين التى اصبح وجهها مثل حبات الطماطم

ليكمل طعامه الذي لم يخلو من اهتمام زينب له الذي جعله يشعر بمشاعر كثيره يعيشها لاول مره ليحمد الله بداخله أن أرسل له بذلك المرأة التى كانت سبب في سعادته و في قربه من لورين ثم يتوجه إلى غرفته و معه لورين لارتداء ملابسهم لكي يذهبو لشراء اغراضها و كذلك جلب بعض الاشياء من منزل ابيها و ها قد انتهو و هبطو اللي الاسفل

لتستقبلهم زينب بفرحه لا حدود لها

زينب......"ربنا يحفظكم يا ولاد و يحميكم ويبعد عنكم كل شر "

فهد& لورين ....."يارب و يخليكي لينا "

زينب......"هتتاخرو "

فهد ....." لو خلصنا بدرى ممكن نسهر بره نامي انتى متسنيناش "

زينب....."خلاص براحتكم "

ليشعر فهد بأنها تريد أن تسأل على شئ و لاكنها خجلت لينظر فهد ليرى أن شنطه ثيابها ما زالت خلف الباب

فهد ....."سعاااااااااااااااااد"

سعاد......"نعم "

فهد......"شنطه الهانم الكبيرة لسه بره ليه "

سعاد......."حضرتك متدليش أوامر بحاجه "

فهد........"و انا كنت فين لما هي وصلت يا سعاد "

سعاد بخجل......" كنت فوق يا بيه أنا اسفه "

فهد........" خلاص خدي الشنطة دي و رتبيلها الأوضه دى" و هو يشير إلى الغرفه التى كانت بها لورين

ثم ينظر إليها فهد و يقبل رأسها ......"أنا اسف يا ست الكل بس حفيدتك كلت دماغي وعريس و كده "

زينب....."محصلش حاجه يا حبيبي انا عارفه انك مشغول بعروستك "

فهد......"بس انا زعلان منك يا تيته ازاي مختارتيش الأوضه اللي تعجبك و خليتى سعاد تفرشهالك "

زينب ....."معلش يابني "

فهد...."طيب ممكن تتعاملي إن ده بيتك و بيت لورين

وتتحرك في براحتك و اي حاجه تحتجيها تطلبيها من الخدم "

سعاد ممتنه ....."تسلم يا بني ربنا يحفظك يلا علشان متتاخروش اكتر من كده "

فهد....."ماشى يا ست الكل بعد اذنك "

ليذهب هو لورين خارجا ليصعد سيارته و يقودها و يخرج من الڤيله

فهد بمزح....."بتبصيلى كده ليه هو أنا حلو اه بس مش للدرجه "

لورين....."مش عارفه اش..."

ليقطعها فهد......." لو قولتى اشكرك هزعل "

لورين ......"طيب اقول اي يكفي كل إلى انت بتعمل ده تصدق انهارده دعيت لبابا "

فهد باستغراب......." ليه "

لورين......."علشان رماني في طريقك من غيره مكنتش هعرف اوصلك و نصيبي مهما كان مكنش هيبقي حلو كده "

فهد بحنان........"تصدقي انا اللي شكلى هسامح ابوكي علشان جابك ليا...... و انا لو لفيت الدنيا كلها مكنتش هلاقي بنت زيك يا لورين انتِ دخلتي حياتي قلبتيها ......كان كل اللي في بالي الانتقام ده غير اني كنت عمري ما هفكر اتجوز وكنت لاغي الفكره دي من دماغي تماماً ......كنت عمري ما هحس بحنان جدتك مع واحده تانيه لورين انتِ خليتي حياتي احلى بكتير اوى "

لورين بحب ....."ربنا يخليك لينا يا فهد"

فهد......"ويخليكي ليا يارب " ليصف سيارته أمام أحد المولات التجارية الكبيره "

لورين ...."فهد المكان ده شكله غالى جدا "

فهد بابتسامه....."ميغلاش عليكى "

ليمسك يدها بتملك مبرر......." معلش علشان الزحمه في الاول بس و بعدين هنطلع فوق "

لتقبض الأخرى علي يده لتتوسع ابتسامته ثم يأخذها إلى المصعد الكهربائي وما أن وقف أمامه

لورين ....."خلينا نطلع على السلم "

فهد......"ليه احنا طالعين الدور السابع"

لورين....."خلاص نشترى من مكان تانى "

ليشعر فهد بارتعاش يدها بين يديه ....."لورين مالك في اي بتترعشي ليه "

لورين ....."أنا بخاف من الاسانسير"

ليسحبها فهد في لحظه لتكون داخل الاسانسير و داخل حضنه أيضا ليضغط على الزر و ينغلق الباب

ليقول في أذنها ....."طول ما انا جمبك متخفيش "

لتتمسك لورين بحضنه اكثر لترتفع دقات قلوبهم ليظن كل منهم أن الآخر يسمع دقات قلبه ليتوقف المصعد بعد دقائق

فهد.... "وصلنا "

لتبتعد لورين قليلا لاكن يد فهد التى تحيط خسرها منعتها من البعد

فهد ...."خليكي قريبه علشان لو دوختى من الاسانسير"

لورين ...."حاضر "

ليصل بها إلى المكان المخصص ليخرج لاستقبالهم اربع فتيات على قدر عالي من الجمال يرتدون زي موحد بالكاد يغطى الفخذين

الفتاه 1..."اتفضل يا فهد بيه نورتنا"

الفتاه 2..."ممكن تتفضل معايا وانا هجيب لحضرتك كل اللي محتاجه "

الفتاه 3....."فهد بيه تحب اساعدك فى اختيار ملابسك "

الفتاه 4...."اتفضل يا فهد بيه وكل حاجه هتجيلك لحد عندك "

لتصرخ لورين فى وجه الاربعه ....."خــــــــــــــــــــــلاااااااااااااااااااااااص"

ليحنى الفتيات روأسهم ......"احنا اسفين يا فندم "

فهد ....."تقدرو تتفضلو و المدام هتختار اللي يعجبها و انا معاها مش محتاجين مساعده "

ليذهب الفتيات بخيبه امل

فهد ....."بتزعقي كده ليه "

لورين......"اتخنقت هما مش شايفين في زفته واقفه جمبك "

فهد بضحكه عاليه....."ابتدينا نغير ولا اي "

لورين...." اه مش جوزى و انت قولت اني هفضل مراتك على طول يبقى من حقي اغير "

فهد بفرح ....."انتِ تعملى اللى انتِ عايزه يا حرم فهد الحديدى ....يلا علشان نختار اللبس "

لورين....."يلا "

ليبدأ فهد باختيار فساتين للمحجبات ليتعجب من روعه الملابس فهو لأول مره يرى هذا النوع من الملابس في الوسط الخاص به ليقوم باختيار كثير من الفساتين

لورين ....."اي كل ده "

فهد ...."كلهم حلوين لو في حاجه مش عجباكي ممكن نسيبها "

لورين....."بالع** ذوقك حلو اوي بس ده كتير اوي "

فهد....." مفيش حاجه كتيره عليكي يلا علشان نختار لبس البيت "

لورين....." يلا "

لتبدأ في اختيار الأطول والاكثر احتراما على الع** من فهد الذى اختار كل ما هو عارى و قصير

لورين....."انت بتختار لمين "

فهد ..."ليكي "

لورين...."بس انا مش هلبس كده "

فهد....."ده لبعدين مش لدلوقتى ولا انتِ عايزانى ابص بره و اخونك "

لتتوقف لورين عن اختيار الملابس الطويله وتقوم باختيار ما يعجب فهد لينظر إليه فهد بنصر و يهمس في أذنها فاضل لبس النوم

لورين ....."بلاش انهارده "

فهد بحزن مستطنع ....." بس افتكرى أن الراجل ضعيف و بيضعف و افتكري اني طلبت منك و انتِ رفضتي "

لورين......."ملابس النوم فين يا انسه "

الفتاه ....."على ايدك اليمين يا فندم "

لورين....."يلا "

ليذهب فهد معها و هو يجاهد في كتم ضحكاته من الخروج ليختار لها كل ما يريد أن يراها به ليحمر و جهها خجلا و تظهر ملامح الضيق على وجهها

فهد...."لو مش حابه كفايه "

لورين......"علشان اكون انا السبب انك تخوني "وبدأت دموعها بالنزول"

فهد...."طيب بتعيطي ليه خلاص انا اسف كفايه كده انهارده و نبقي نشترى تاني بعدين يلا "

لورين ...."يلا"

فهد ...." بس مجبناش احذيه و لا حجابات و انتِ مش معاكى غير الحجاب ده "

لورين بصوت مكتوم ....." مش مهم "

فهد....."لا مهم ومهم جدا كمان علشان تعرفي تنزلي الجامعه تعالي نشرب حاجه و بعدين نكمل "

بياخذها و يذهب إلى الكافتريا الخاصه بالمول والتي تتميز بالهدوء حيث لا يوجد كثيراً من الناس فهذا الطابق مخصص للاغنياء

ليجلسو على احد الطاولات ليأتى النادل....."تشربو اي يافندم"

فهد.... "هاتلي قهوه مظبوطه وهات واحد ليمون للمدام"

النادل...."ثواني يافندم ويكون طلبك جاهز بعد اذنك "

فهد....."اتفضل "

ليقف فهد وينتقل ليجلس على الكرسى الذي بجانب لورين ليقبل يدها....."انا اسف متزعليش "

لورين....."متتاسفش "و بدات عيونها تدمع .."انت عندك حق بس "

فهد......"اشششش مبسش انا زودتهم انا عارف انك متعرفنيش و لسه الجو ده جديد عليكي و مش سهل تلاقي نفسك متجوزه في يوم و ليله و انا قولتلك براحتك خلاص بقا متزعليش "

لورين ....."حاضر"

فهد....." على فكره كنت بهزر معاكي انا مستحيل ابص لغيرك "

لورين ...."بجد "

فهد....." اه "

ليأتي النادل في هذه اللحظه ويضع المشروبات

فهد...."يلا اشربى العصير بتاعك علشان نكمل الحجات الناقصه "

ليذهبو بعد قليل لإكمال المشتريات و ها قد صار كل شئ جاهز

لورين ....."فهد انت جايبنى هنا ليه "

فهد....."هنشترى حاجه من محل هنا و خلاص ماشيين "

لورين ....."بس كل المحلات دى دهب و مجوهرات "

فهد ....."اهو المحل "

ليجذبها من يدها و يدخل إلى المحل ثم يشير إلى طقم من الالماظ ....."اى رأيك فى ده "

لورين......."جميل اوى بس ليه "

فهد....."لو سمحت عايز الطقم ده "

لورين....."فهد شكله غالى جداً متهزرش "

فهد...."قولتلك مفيش حاجه تغلي عليكى وبعدين ده شبكتك "

لورين ....."ممكن دبله وخلاص مش لازم كل ده "

فهد ......" لا شبكت مراتي لازم تكون اغلي حاجه "

الشاب....."اتفضل يا فهد بيه "

فهد......."متشكر جدا اتفضل "وهو يعطيه بطاقه الصرف الآلي

الشاب وهو يردها إليه ....." اتفضل "

فهد ......"يلا بينا "

ليخرجو إلى السياره و قد وضع العمال كل الاكياس داخل صندوق السياره وكذلك المقاعد الخلفية ولم يتبقى سوى كرسي السائق و الكرسي الذي بجانبه

ليدير فهد السياره و يتحرك و هو يشعر كأنه يملك العالم بأكمله

فهد ....."اي رأيك نخلى حوار الكتب الصبح "

لورين..... "ماشى مفيش مشكله "

فهد ....."تحبى نسهر بره ولا في جنينه الڤيله علشان تبقي على راحتك "

لورين......"كفايه سهر بره الساعه واحده "

فهد......."ماشي نفسك في حاجه "

لورين بخجل......." اه "

فهد......."ها نفسك فى اى "

لورين ......."هقولك لما نرجع الڤيله "

فهد......"قولى دلوقتي عشان اجبها قبل ما نرجع "

لورين ......"لا هي معاك اصلا"

فهد ...."هي اى طيب "

لورين......"هعرفك لما نرجع "

فهد........"ماشي عموما 10دقايق ونكون في البيت "

لورين ....."طيب"

ليسود ال**ت هذه ال10 دقائق فقد كان فهد يفكر ماذا يريد و قد كانت هى تفكر كيف تفعلها و ها قد و صلت السياره ليعطي فهد أحد رجال الحراسه المفتاح و يطلب منهم إدخال الاكياس للداخل بعد أن التقط بيده كيس المجوهرات

وما أن دخل من الباب....." ها عايزه اي"

لورين......."هقولك بعد ما نغير هدومنا و ننزل الجنينه

فهد ....." و بعدين بقا "

لورين ....."و الله هقولك"

فهد ...."طيب يلا نطلع نغير "

ليصعدو إلى غرفه فهد التى أصبحت غرفه نومهم لتتحمم لورين و ترتدى بيجامه قطنيه سودا وعليها بعد الفراشات البنفسجية بدون اكمام و تترك شعرها منطلق و يرتدى فهد برموده منزلى باللون الرمادي و تيشرت باللون الاسود ليهبطو مره اخري ليخرج فهد اولا و يخبر رجال الحراسه و السأئق أن يبقوا بالخارج إلى أن يأذن لهم ثم يعود يخبر لورين بالخروج

لورين وهي تشير إلى بعض الكراسي ....."هنقعد هنا"

فهد ...."لا تعالى معايا في مكان احلي "ليذهب بها إلى خلف الڤيله حيث يوجد حمام سباحه كبير جدا و يوجد بجواره مقاعد بحر

لورين ....."الله عندك بيسين كبير اوى "

فهد بابتسامه ......."عندنا "

لورين بفرح ......."يعني أنا هنزل الميه براحتي "

فهد ......"اه "

لورين ......"بس انا مبعرفش اعوم "

فهد ......"أنا هعلمك ....هااا قوليلى بقا نفسك في اى "

لتتوقف لورين عن السير بجانبه ليتوقف هو أيضا لتقف أمامه بتوتر ....."نفسى فى "

فهد......"هاااا "

لتحتضنه لورين بقوى ثم تهم بالخروج من حضنه لاكن تجده يتمسك بها بقوه و يبادلها هو نفس العناق لاكن بشوق اكبر بكثير لتبقى في حضنه لوقت طويل ليقول فهد بداخله ....."وحشتيني اوى يا لورا " لا يعلم أحدهم مقداره و لا يعلم أحدهم ما الذي يقال في هذا الوقت حتى تنسحب لورين بخجل و تذهب إلى ذلك المقاعد التى أمام المسبح لتتمدد و تغمض عينيها بقوه

فهد ....." اعملى حسابك كل يوم هتجوزك و كل يوم هخرجك و كل يوم هعملك اي حاجه و كل حاجه علشان يبقى نفسك فى كده تاني لترتسم ابتسامه على ثغر لورين الوردي و هى ما زالت تغلق عينيها

فهد....." على فكره لو فضلتى نائمه و مغمضه

عيونك كده انا مضمنش نفسي هعمل اى" لتفتح لورين عينيها بخجل و تعتدل في جلستها لتنظر للمسبح

فهد...."تنزلي الميه "

لورين ......"دلوقتي "

فهد ....."و ليه لا "

لورين......"يلا " ليقف فهد لحظه ليطرق الباب الخلفى للڤيله لتفتحه له سعاد

فهد....."سيبي الباب ده مفتوح "

سعاد ...."حاضر يا بيه "

ليتركها فهد ويتجه نحو لورين التى تقف على طرف المسبح و تنظر اليه بخوف ليقوم بنزع التيشيرت و القأه أرضا ليأتى سريعا من خلف لورين و يلقيها فى الماء و يسقط معها

لورين....."لاااااااااا"

فهد....."بس هتفضحينا "

لورين ......"خايفه يا فهد خرجني بسرعه ليقترب فهد منها و يحملها و يذهب بها إلى وسط المسبح و يضعها فوق الماء

فهد ....." و انتِ معايا متخفيش "

لورين......"اول ما بتقربلى بطمن مش عارفه ليه بحس اني اعرفك من زمان مش امبارح بس "

فهد....."يعني ده تصريح منك انى أقرب براحتى "

لورين بخجل ....."تؤ تؤ "

ليتركها فهد....."طيب اغرقي بقا "

لورين ....."لا و النبي هغرق بجد اااااه "

ليمسكهت فهد من جديد ......"متخفيش أنا معاكي "

لورين......."مش خايفه "

فهد ....."لورين "

لورين....."نعم "

فهد......."لو أنا سبتك دلوقتي و اديتلك حريتك هتسبيني "

لتقترب منه لورين حتى تلتصق به....."انت عايز تسيبنى "

فهد......."لو عايز اسيبك مكنتش اتجوزتك السؤال انتِ عايزه تسبينى "

لورين ....."لا "

فهد......."لا اي "

لورين ......"لا مش هسيبك يا فهد أنا محسيتش بالأمان غير جمبك يا فهد "

فهد......" و انا محسيتش اني عايش غير وانتِ فى حضنى يا لورين "

لورين......."اوعي تسيبني يا فهد "

فهد....."انا ما صدقت لقيتك يا لورين "

ليقضون وقت رائع داخل الماء لم يخلو من حركات لورين و كلامها التى جعلت فهد يضحك من قلبه

ليرتفع اذان الفجر ليخرجون من المسبح و يصعدون إلى غرفتهم لتتحمم لورين وتلبس ثيابها و كذلك فهد الذي طلب منها أن تنتظره ليصلي معها ليصلى بها الفجر

لورين ....."صوتك حلو اوي فى القرآن "

فهد ......"انتِ احلى "

"يلا ننام بقا علشان أنا فصلت "قالها فهد و هو يتجه إلى الفراش "

لاكن لورين ذهبت إلى غرفه الملابس لتنزع ذلك الاسدال لترتدى أحد البيجامات الستان التى اختارتها مع فهد المكونه من بنطلون طويل و قطعه بدون اكمام و عليها روب قصير من الستان البنيه اللون مثل الشيكولاته لتصبح مع اختلاطها ببياض بشرتها كا الحليب بالشوكولاته لتخرج و تجد فهد يغلق عينيه بتعب لتتوجه إلى ذلك الاريكه لتتمدد عليها

فهد....."انتِ هتنامى على الكنبه"

لورين ...."اه"

فهد......"طيب تعالي نامي على السرير وانا هنام علي الكنبه "

لورين ....."لا نام بقا عندك شغل الصبح تصبح على جنه "

فهد ....."و انتِ جنتي "

ليبقى فهد ينظر إليها حتى أغلقت عينيها و انتظمت أنفاسها ليحملها ويضعها على الفراش بجانبه و يبقى ينظر إليها حتى ذهب فى نوم عميق

ـــــــــــــــــــــــــــــــــــــــــــــــــــــــــــــــ

رأيكم؟?

توقعاتكم؟

يا ترى اى السر الى فى حيات فهد اللى يخليه يحول جحيم الانتقام الى جنه حب لهذه الفتاه؟؟؟

دمتم لى ♥