Na-guity na ako dahil sa mga ginagawa ni Franco. Hindi naman kami ganoon ka-close pero heto at tinutulungan niya ako at hindi niya ako pinapabayaan. Napagdesisyonan ko na ipagluto na lang siguro siya ng pagkain para kung sakaling pupunta siya ay may nakahanda akong pagkain.
Nakakahiya na rin sa kanya. Palagi na lang siyang may dalang pagkain at naabutan ko ‘yun sa tuwing uuwi ako sa bahay. Hindi ko rin alam kung saan niya nakuha ang number ko pero tinext niya akong uuwi siya sa townhouse. Well, bahay naman niya talaga ‘yon at kahit anong oras ay p’wede siyang umuwi sa kahit na anong gusto niyang oras.
“Mauuna na ako ah? May gagawin pa kasi ako,” paalam ko kay Ana nang nagpapalit din siya ng damit sa banyo. Nasa kabilang cubicle siya at hindi ko na lang hinintay na matapos siya.
“Sige
