Nagmamadaling pumasok ng cubicle si Anina para i-check ang tagos sa kanyang suot na palda. Halos maihilamos niya ang kanyang palad sa mukha niya nang makitang totoong tagos nga ito at hindi ito mantsa na nakuha niya sa kung saan-saan lang. Kailangan na niyang kainin ang hiya niya ngayon. She had no other choices. Si Micheal ang nandito kaya siya ang kaisa-isang taong puwede niyang hingan ng pabor.
Napalunok siya ng laway saka nag-aalangang lumabas ng cubicle para harapin si Micheal. Naabutan niya itong nakasandal sa labas ng dingding habang nakapamulsa.
Namumula pa ang pisngi niya sa hiya ng mga oras na iyon. "M-M-Micheal. . ." Nauutal na bigkas niya.
Nagulat ng bahagya si Micheal dahil sa biglaang paglabas niya. "O, Anina. Bakit?"
Humugot ng malalim na buntong-hininga ang dalaga par
