NASA Ospital si Ezrah ngayon at nakaupo sila ni Mr. Levian sa upuan sa hallway dahil nagamot na ang mga sugat na natamo nito sa katawan sa pagkakabangga sa kotse niya at pina-CT Scan at X-ray niya na rin para makasigurado na wala itong injury na hindi nito nararamdaman.
“Mukhang matindi ang nagawa kong gasgas sa kotse mo,” basag ni Mr. Levian sa katahimikan nila habang nag-aantay ng result ng X-ray.
“Huwag mo na iyon intindihin. Ang mahalaga naman ay ang kalagayan mo,” tugon niya.
Ngumiti sa kaniya si Mr. Levian at tinitigan pa siya na dahilan para mailang siya.
“Nakakatuwa naman na nakita kita uli, Ezrah, kaya lang ang kapalit ay nagkasugat-sugat ako at sumakit katawan ko,” biro nito sa kaniya.
“S-sorry kong nagkaganiyan ka—“
“Ayos lang. Natutuwa nga ako na nagkita tayo muli ka
