Nang matapos na ako sa pag-aayos ay, nagpaalam na ako kay Sir Maxene para bumaba na. Magluluto kasi ako ng hapunan. Hindi na ako magtatanong pa kay Sir Max dahil baka mamaya ay mabara na naman niya ako. Ang sungit pa naman no'n.
"Umm... sir, okay na po," paalam ko sabay ngiti ko.
"So that Pablo will quit being near you, let him know right away that you don't like him."
Napahinto ako sa sinabi niya. Parang ang excited mo naman si Sir Max, gustong-gusto nang ipasabi kay Pablo e. Darating din naman iyong araw na 'yon.
"Opo, sir," sagot ko.
Lumabas na ako ng kuwarto niya at dumiretso kaagad ako sa kusina.
"Pablo?" tawag ko.
Lumingon kaagad sa akin si Pablo. "Yes?"
"Hindi ba umalis kayo ni Joseph kanina?" nagtataka kong tanong.
Tumango siya. "Yes, may nakalimutan lang kaming dalhin kay
