Natigil siya sa pag-strum ng kanyang gitara nang makarinig nang tila pinipigil na paghikbi, may umiiyak. Kunot ang noo na napatingin siya sa isa sa mga malapad na poste ng grandstand. Tumayo siya at may dinukot sa bulsa ng suot na itim na pantalong pamasok. Dumukwang si Hayden sa bakal na riles ng grandstand upang iabot sa dalagang umiiyak doon ang kanyang panyo.
“Here…”
Natigilan ito sa pag-iyak nang marinig marahil ang paglapit niya at gayon din ang boses. Nakita niya nang dahan-dahan nitong tanggalin ang pagkakasubsob ng mukha sa pinagtabing mga tuhod. Nag-angat ito nang mukha at tumingin sa kanya pagkatapos. At gayon na lang ang pamimilog nang mga mata nito at ang pagkabakas ng pagkataranta sa mukha nito nang makita siya.
Ikinabigla rin niya nang makilala niya ito. Mabilis na nag-
