Matapos tumugtog nila Hayden ay agad na hinanap niya si Reyshan. Sa pinto ng likod ng stage na rin siya nagpasyang dumaan kaysa ipagsapalaran ang sarili sa loob ng gym.
Hindi niya inaasahan ang bigla nitong pag-alis habang nasa kalagitnaan sila nang pagpe-perform. Nabahala siya roon at batid niyang may kinalaman ang ginawa nitong pag-walk out sa babaeng bigla na lang umakyat ng stage at hinalikan siya sa pisngi.
Hindi naman niya ginusto iyon. Kahit siya man din ay nagulat. Gusto man niyang suwayin ang babae pero ayaw niyang makabuo nang kung ano sa loob ng gym kaya sinamaan na lang niya ito nang tingin, hinahatid ng kanyang mga mata ang pagkadisgusto sa ginawa nito. Ayaw rin niyang mag-eskandalo kaya iyon na lang ang bukod-tanging nagawa niya.
Gusto na sana niyang tapusin ang performanc
