CHAPTER 34 - Dinner
"Shit..." bulalas ko habang sapo-sapo ang ulo. Naramdaman ko ang paghagod ng kung sino sa likod ko.
"Dinalhan kita ng almusal at gamot para sa hangover mo." Ang masuyong boses ni Domino ang narinig ko.
Kahit na masakit pa rin ang ulo, umalis ako mula sa pagkakadapa. Tumihaya ako at sinalubong ang tingin niya sa akin.
Bahagya siyang napailing nang mapansing hindi pa rin ako gumagalaw. Kaya siya na mismo ang nagbangon sa akin sa kama. Puno siya ng pag-iingat nang i-upo ako sa ibabaw nito. Nilagyan niya pa ng unan ang likuran ko upang mas maging komportable.
Hindi na ako umalma pa nang siya na ang magsubo sa akin ng inihanda niyang almusal ko. Masyado talagang masakit ang ulo ko dahil sa ginawang paglalasing kagabi.
Ilang minuto rin inabot ang pagpapakain niya sa aki
