CHAPTER 33 - Drunk
"OH my God! Is that true, Haelynn?"
Sunod-sunod ang naging pagtango ng ulo ko bilang pagtugon kay Tita Maureen.
Nakatakip pa rin sa bibig gamit ang mga palad, ang gulat niyang mga mata ay napalitan ng pag-aalala.
"Sigurado ka bang kakayanin mo 'yon?"
Nawalan ako ng imik nang marinig 'yon. Nagbaba ako ng tingin sa lamesa at mariing kinagat ang ibabang labi.
Dalawang araw na rin ang nakakalipas simula nang makauwi kami ni Domino galing sa Batangas. Tulad ng gusto niya, gumawa na siya ng araw kung kailan ako ipapakilala sa mga magulang niya. At bukas na 'yon!
Hindi ako mapakali sa ideyang makakaharap ko na ang taong nasa likod ng pagkamatay ng ina at mga kapatid ko. Hindi ko alam kung masisiyahan ba ako dahil matagal ko nang pinapangarap na mangyari ito, o mas lalama
