Ang dapat na pagbulyaw na gagawin ni Adam kay George ay napalitan ng isang mapusok na halik. Bubulyawan na sana nya ang kanyang partner in crime nang maramdaman nyang nakasunod sa kanya si Paloma. Sabayan pa na tila sya nabato-balani nang bumaba mula sa taxi si George. Litaw na litaw ang makikinis at mahahaba nitong binti dahil sa maiksing suot, at kahit anong taas nito ng blusa sa bandang dibdib ay lumalabas pa rin ang guhit na ebidensya ng may kalakihan talaga nitong hinaharap.
Kaya naman hindi na nakapagtimpi si Adam at sa utos ng kanyang damdamin, mabilis pa sa kisapmata nyang nilapitan ang dalaga. Walang sabi-sabi ay sinapo nya ang leeg nito at ginawaran ng mainit, mapusok at malalim na halik. Hindi sya huminto hangga't walang natatanggap na tugon mula rito. Sa huli ay nagpaubaya
