DAHAN-DAHANG iminulat ni Joey ang kaniyang mga mata, agad na tumambad sa kaniya ang itim na kisame ng kuwartong pinasok nila ni Daxx sa bahay ni Daisuke.
Tandang-tanda at sariwa pa sa alaala ni Joey ang nangyari sa kanila ni Daxx sa may ilog hanggang pagpasok nila ng kuwarto. Agad nag-init at namula ang kaniyang mukha dahil hindi niya mapaniwalaan ang sarili sa kaniyang ikinilos. Hindi makapaniwala si Joey sa kaniyang sarili na siya ang nang-akit kay Daxx dahilan upang paulit-ulit siyang angkinin nito.
Akmang kikilos si Joey sa pagkakahiga niya ng matigilan siya at tingnan niya ang kaniyang bewang kung saan nakayakap doon ang kanang braso ni Daxx. Agad na binaling ni Joey ang tingin niya kay Daxx na natutulog sa tabi niya. Parehas parin silang walang saplot kaya ramdam ni Joey ang pagdi
