4

1126 Words

اليوم التاني بعد صلاة العشاء في بيت ابو ابراهيم منال :ماما بعد شوية حروح ابغى السوّاق ام ابراهيم:والله ابوكي اخذ السوّاق منال:يوووه دحين كيف اروح ام ابراهيم :خلي وحدة من البنات تمر عليكي منال:حدق على ليان ودقت على ليان منال:هلا ليان ليان:هلا *قالتها من غير نفس* منال:ايش فيكي تتكلمي كذا ليان:والله احمد اخذ سيارة السوّاق لان سيارته الماكينة بح وماني عارفة كيف راح اروح السوق منال:انا جاية اشكيلك انتي تشكيلي ليان:ليه نفس المشكلة منال : ايوا بابا اخذ السوّاق ليان:دحين احنا ايش راح نسوي منال :دقي على اشواق ولا مرام يمروا ياخدونا ليان:هيهي ياحبيبتي البنات قدهم في السوق من اول منال:اووووووووووووووووف والا بعماد سمعها عماد :أيش فيكي؟ منال لليان:استني ليونة شوي منال:نعم عماد:اقول ايش فيكي منال:لا مافي شي بس اتفقنا اننا نروح السوق مع البنات وبابا اخذ السوّاق وليان احمد اخد سيارة السواق وماننا عارفين ايش نسوي عماد من يوم ما سمع اسم ليان قال:طيب انا اود*كم * عشانه رايح مع صاحبه * منال:بالله قول والله عماد :مولازم احلف انتي جاهزة منال :من اول عماد:اجل خلاص انا برا قولي لبنات عمك يتجهزوا ونروح نجيبهم منال :ايش دراك انهم كم وحدة عماد:موبتقولي ليان اكيد روان معاها يلا بسرعة البنت تلاقيها **رت التلفون تنادي منال:أي والله...تكلم ليان...الو معليش حبيبتي ليان:لا عادي بس ايش في منال:هادا عماد يقول يوصلنا ليان:من جد منال :ايوا يلا ترا هوا بره بسرعة اتجهزوا احنا جايين ليان:اوكي لمن تجوا دقي منال :اوكي باي ليان :باي قفلت السماعة ليان وراحت لروان ليان:روان يالله نروح روان:مين بيودينا ليان:منال دحين تجي عماد بيوصلنا روان:والله هادا الولد فيه الخير ليان:يلا بلا كلام فاضي بسرعة دقايق وهم واصلين بعد شوي دقت منال منال:يلا احنا برا ليان :اوكي وخرجوا ليان وروان ركبوا السيارة روان وليان:السلام عليكم منال وعماد:وعليكم السلام روان :كيفك منول منال:تمام انتي كيفك روان:الحمد لله ...كيفك عماد عماد :الحمد لله بخير اكيد انتي روان أعرفك ماشاء الله جريئة من يومك روان :والنعم الكل ضحك عماد:يعني التوأم اذا في وحدة سلمت التانية ما تسلم ليان بخجل واحراج:كيفك عماد:الحمد لله...في شي محيرني مو انتوا توأم ليه غير في كل شي ماعدا الشكل منال:يا حبيبي مو لازم تكون شخصيات التوائم زي بعض وكملو الطريق بالحوار وشوي مضاربة من التوأم وصلو السوق منال:عماد لمن ندق عليك تجي طيب عماد :حاظر ماما سي تاني ليان:هههه قلب بنغالي مرة وحدة منال:لا ما في سي روه عماد:اقول سواق ابوكي انا وقت ما بجي راح اجي اصلا انا راح اقابل صاحبي هنا وقت ما تخلصوا دقوا اذا كنت مخلص حجيكم منال:براحتك بس كنت بكمل الفلم معاك روان :والله انكم تحف ولاقوا البنات في السوق مرام:بدري ليان :من عمرك منال:اتوهقنا بالمواصلات الين عماد حن علينا وجابنا أشواق من يوم سمعت اسم عماد تلقائيا طالعت في ليان ما لقت في ملامحها شي أشواق:يلا ورانا لفلفة ولفو ولفو بس كان في واحد من اول يمشي ورا ليان بس هياا ماتعطيه وجه الين تعبوا وجلسوا في واحد من الكوفيهات روان:بنات مين يبغى عصير او أي شي من الكوفي اشواق :اقول اجلسي انا اروح اشتري اعرفك راح تلخبطي روان: أي والله صح أشواق:ليونة تعالي معايا ليان:طيب بس قبلها نروح نشتري الساعة اللي عجبتني قررت اشتريها أشواق:اوكي يلا روان:ليونة انتبهي على نفسك ليان:ليه انا رايحة حرب روان:لا بس كدا قلت خليني اقولها يعنني امك ليان:هههه الله يقطع ابليسك مرام:اقول المهم جيبيلي موكا منال:وانا كمان ليان:رونا انتي ايش تبغي روان: ما أدري انتي ايش تبغي جيبيلي زيك ليان:انا ابغى فرش جوس مانجو اجبلك زيه روان:اوكي وراحوا اشواق وليان لمحل الساعات وكان نفس الولد وراهم وهما بيحاسبوا جا يستهبل عندهم الولد:ياحلو انتا انا احاسب عنك ليان:لا مشكور اللي عندك عندي ضعفه الولد:لا من جد نحاسب للحلوين اللي زيكم أشواق:اصلك قليل ادب ما تستحي وقاموا يتخا**وا واجتمعوا الناس عليهم وبالصدفة كان عماد في نفس المنطقة ولمن شاف التجمع جاه احساس يقوله ان اللي في المشكلة شخص عزيز قام رايح متوجه للمكان سعد(صديق عماد):فين فين عماد:امشي نشوف ايش صاير سعد:ياخي لا تدخل نفسك في الناس عماد:عندي احساس يقولي روح واصلا الاهل هنا يمكن هما لا قدر الله سعد:يلا نروح ورا احساسك ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء السادس...))** سعد(صديق عماد):فين فين عماد:امشي نشوف ايش صاير سعد:ياخي لا تدخل نفسك في الناس عماد:عندي احساس يقولي روح واصلا الاهل هنا يمكن هما لا قدر الله سعد:يلا نروح ورا احساسك وراحوا هناك أشواق لمن شافتو راحت جري أشواق:عماد الحق الولد يتضارب مع ليان عماد:ياولد الـ..... وراح عند الولد ودف ليان وراه وقام يتضارب مع الولد بالكلام وبعدين بدأ باليد وطول الوقت ليان تبكي الين ما الناس فكوهم والواضح للكل ان الولد غلطان فتركوا عماد مع ليان اللي طول الوقت تبكي أشواق تهدئ ليان:خلاص ليان بس ليان وهي تبكي:لا موخلاص انا السبب في انهم يتضاربوا ..عماد جالس يطالع في ليان البنت مرة حساسة وتحس بالذنب على طول يالبى اللي يبكو عماد:يلا بلا دلع مو بسببك ولا شي الولد غلط واخذ جزاه ليان لمن سمعت عماد يتكلم سكتت والبنات لمن حسوهم اتأخروا جوا يشوفوا ايش صار لقوا عماد واقف مبهدلة ملابسو مع ليان وليان تبكي ب**ت وأشواق تهديها حسوا ان هناك شي صار منال:ايش صار اشفيكي ليونة تبكي اشواق:لا مافي شي بس مشكلة بسيطة منال:عماد ايش جابك هنا عماد:مع السلامة انا في السيارة استناكم وانتي *يقصد ليان *انتبهي مرة تانية مرام:ايش صاير عماد طنشهم وراح روان:ليونة حبيبتي ايش صار ليان من يوم ما سمعت صوت اختها رمت نفسها في حضنها وقالت:انا السبب في تضرر اتنين انا السبب روان :طيب ايش صار أشواق:انا اقولكم واحنا جايين نحاسب ع الساعة جا واحد حقير من أول وهوا يمشي ورا ليان من جينا السوق قال يبغى يحاسب المهم زاد في الكلام قمنا انا وليان نوقفوا عند حدو الا قام يتضارب معانا الين ما تجمعوا الناس وفجأة جا عماد واستنجدت بيه قام راح قدام ليان يواجه الولد في البداية بالكلام الين ما تطور الى مضاربة زي ما أنتوا شفتوا شكل عماد روان:ياحبيبتي ياليان مو انتي السبب الولد الحقير اخد جزاه ليان بعد كم كلمة من البنات سكتت بس قعدت ساكتة ولا اتكلمت مرام راحت مع سواقها ووصّلت اشواق ..وروان وليان ومنال راحوا السيارة عند عماد منال:سلام عماد:وعليكم السلام وسكت ومشيوا في الطريق ليان وهي ساكتة وسرحانة شوي انتبهت بكيس قدام عند عماد شهقت شهقة ايوا ايوا هادي الساعة اللي كانت بتشتريها ايوا نفسها ولمن شهقت اللي في السيارة انفجعوا بالذات عماد وقف السيارة فجأة والله ستر انهم كانو في حارة ما فيها سيارات كتير والا كانوا راحوا فيها روان:بسم الله اشفيكي ليون منال:بسم الله كنا راح نروح فيها اشفيك عماد البنت شهقت صار حاجة عماد:شوفوا البنت لايكون ماتت روان: الله يقطع ابليسك لا تتفاول على اختي ليونة اشفيكي ليان:مافي شي مافي شي الأجواء كانت متوترة الين ما وصّلوا ليان وروان بيتهم عماد قبل ما يروح السيارة عند السوق راح المحل وسأل راعي المحل عن الكيس الي كان مع ليان قبل المضاربة قام أعطاه هوا ولمن فتحه شاف ساعة تجنن قالو متأكد انها هيا قال ايوا قام اشتراها وأخذها معاه السيارة وهما في السيارة عماد:منال خدي هادا الكيس وأعطيه ليان وقوليلها انو انتي اشتريتيه اوكي منال:ايش هوا؟ عماد:الساعة اللي كانت بتشتريهابس بسبب الولد الـ.... ما اشترتها منال:وايش اللي جابها عندك عماد:مالك شغل وبلاش اسئلة مالها داعي

Free reading for new users

Scan code to download app

App Store Google Play

Facebookexpand_more