5

1477 Words

منال:عماد ممكن سؤال عماد:أتفضلي بس اذاماعجبني ماراح اجاوب منال:بكيفك....انتا ليان ايش تعنيلك عماد طالع في منال ايش تبغى من دا السؤال : وايش مناسبة السؤال هدا منال:جاوبني عماد:بنت عمي... وليش ليان بالذات منال:بس كدا وايش افهم من كلمة بنت عمي عماد:افهمي اللي تبغيه ترا ماني فايقلك منال من يومها تتابع عماد وليان حاسة انو عماد يكن شي لليان بس مهي عارفتو وصلوا البيت قامت منال راحت غرفتها واتصلت على ليان بس ليان ماترد قالت اكيد راحت تنام او قاعدة تبكي هيا لمن تبغى تهرب من حاجة تروح تبكي أو تنام ... براحتها قالتها وسكت الجوال وراحت عند اختها ............. في اليوم التاني راحت منال عند ليان في بيتها بس ما قالت لها انها جاية لمن وصلت للبيت ردت عليها الخدامة دخلت عند خالتها وسلمت عليها وسألتها اذا كانت تقدر تطلع فوق قالت لها روحي بس انتبهي في احمد وريان في غرفهم ولمن وصلت غرفة ليان سمعتها تبكي وتكلم أحد قالت يمكن روان بس سمعتها تقول لا يارغد فعرفت انها تكلم رغد ليان وهيا بتبكي:لا يارغد شفت عيونو تقولي حاجة بس انا ما فهمتها ما فهمتها ...وامس يدافع عني... وانض*ب عشاني ..اقولك اشترى الساعة شفتها في السيارة ...عشاني يارغد ....ارحموني ماني عارفه اركز ....يارب تكون من جد اوهام يارب ....وفجأة منال دقت الباب عليها ...رغودة حبيبتي سلام ما أدري مين يدق الباب ....على امرك ....اسفة اني ازعجتك ...سلمي على مامتك ....باي ليان وهيا تمسح دموعها:مين منال:انا ليان:منول ياحـ....ليه ما قلتيلي انك جاية .....وفتحتلها الباب منال:وهيا تسلم:بسويها مفاجأة . ليان:احلى مفاجأة منال في قلبها والله انك ماتعرفي تمثلي اثار البكي واضحة في وجهك منال:ليان كيفك بعد امس ليان:الحمد لله تمام منال خرجت كيس الساعة من الشنطة أعطتها ليان ليان ما استغربت لأنها أمس شافت الساعة في السيارة وقامت تتصنع عدم المعرفة:ايش هادا منال وتطالع في وجه ليان تقرأ تعابيرها وتحاول تستكشف شي :الساعة اللي كنتي تبغي تشتريها ليان:مين جابها؟ منال كانت تبغى تتأكد ان الكلام اللي توها سمعتو عن أخوها عماد وبالفعل أتأكدت انها اتكلمت عنو لأن ليان صارت مررة مرتبكة اصلا هيا ما تعرف تخبي ملامحها منال:انا اشتريتها وجبتلك هيا ويلا ننزل تحت اليوم ابغى اتغدا معاكي انتي وروان ليان أخذت الكيس وقعدت تطالع فيه وهيا سرحانة أكيد هوا قالها اعطيها هوا أكيييييييييييد منال:ليون ممكن سؤال ليان:ممم منال:ليوووون ليان:نعم منال:اقول ممكن سؤال ليان:ايوا منال:مافي شي تبغي تقوليه ليا ليان:زي ايش يعني منال:ماأدري انتي قولي...... ليان:لا مافي شي ..يلا ننزل منال:يلا.. (وهي تقول في نفسها ) يا النصابة مافي شي......في شي وانا راح اكتشفو *مداخلة ....ليان زمان كانت تقول لمنال كل اللي في قلبها بس دحين اتغيرت ** ونزلو اتغدوا مع الاهل وطردوا الاولاد في غرفهم عشان الست منال في البيت بعد الغدا رجعت منال بيتهم بعد ما كرهت ليان في عيشتها من كتر ما تعلق عليها تبغاها تكلمها في الشي اللي سمعته ........... ................... ............حبايبي ايش تتوقعوا يصير بين ليان وعماد ؟؟ وممكن احد منهم يصارح منال ؟؟ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء السابع...))** في بيت ابو سلمان بعد أسبوع ابو سلمان :ها يا ام سلمان ايش قلتي نتوكل على الله ام سلمان:مادام انتا واثق من الرجال نتوكل على الله ابو سلمان:اجل ناديلي البنت اكلمها ام سلمان: على امرك ...ومسكت التلفون واتصلت على غرفتها تناديها ام سلمان:رنا حبيبتي تعالي ابوكي يبغاكي رنا:امرك ماما دقيقة وانا عندكم بعد مانزلت رنا رنا:.(بنت حكيمة دايما تنصح أختها إلا إنها ما تسمع لها أبدا جسمها حلو بيضا شعرها لونو أ**د عيونها بني غامق تحب المطبخ متخرجة وتشتغل معلمة في مدرسة ابتدائية لسى توها أول سنة جوها خطاب كثير بس كلهم رفضتهم لأنها كانت بتكمل دراستها:سم بابا ناديتني ابوسلمان :أيوة يابنتي ناديتك ابغاكي في موضوع مهم رنا حست بالتوتر:قول بابا وترتني ابوسلمان:ياحبيبتي انتي عارفة اننا انا وامك آخرتنا نموت ونسيبكم صح رنا خافت:الله يطولنا في عمركم بابا ابو سلمان: اليوم يا رنا جوني ناس وطلبوا يدك مني وصراحة انا قلتلهم اشوف راي البنت وهم ناس ما عليهم كلام بس الراي الاول والاخير لك يابنتي رنا بشوية خجل:ومن هم ؟؟ ابو سلمان:صديقي ابو محمد يبغاكي لولده محمد وهو ولد ماعليه كلافه رنا:وانتم ايش رايك ؟؟ ابوسلمان:والله الولد مايعيبه شي وانا كلمت امك ووافقت بس الشور ليكي رنا:بابا الشور شورك وسوي اللي يريحك ابوسلمان :والله اللي يريحني هو اللي يريحك رنا:خلاص انا استخير واللي كاتبه ربي بيصير ابوسلمان:أيوة يابنتي هادا الكلام الصح الله يوفقك ..وقام راح غرفته وترك البنت مع امها رنا:ماما انتي شرايك في الولد واهلو ؟؟ ام سلمان:والله الناس ما شاء الله عليهم اهل جود واصل و يابنتي من زمن وهم اصحاب لأبوكي انتي استخيري ربك واللي كاتبه ربي بيصير رنا:ونعم بالله وبعد اسبوع من موافقة رنا شاف الولد البنت وعجبته وتمت الخطبة ووقرروا انو الملكة بعد اسبوعين أشواق تكلم ليان:ايوا قرروا انو الملكة بعد اسبوعين ليان:والله مب**ك عقبالك ههههه أشواق:اعوذ بالله بدري علينا ليان:المهم متى راح تشتري الفستان اشواق:والله لسى ماقررت بس بعدين نروح السوق مع بعض ونشتري ليان:ايوا هادا اللي راح يصير اشواق:يلا ليونة باي بابا يناديني ليان:اجل مب**ك من دحين هههه اشواق:هبلة موقصدي كدا بيناديني يبغاني أجيب جهاز قياس السكر ليلن:اشفيكي زعلتي امزح معاكي ههه اشواق:لامازعلت ولا شي ليان:اشوا اشواق:لا تعيديها باي ليان:ماراح اعيدها باي اليوم التاني في بيت منال منال:ايمان..ايماااان ... ايمانوه ايمان:نعم اشفيكي منال :ساعة اناد*كي حشى موعباية هاذي اللي بتلبسيها ايمان:اووف منك اهو جيت يلا نروح اروى:خلاص بلا مضاربة يلا السواق بره وراحوا السوق هناك منال:ردي يلا ردي اوووف اروى:اشفيكي منال:ليان ماهي راضية ترد اروى :يمكن بعيدة عن التلفون منال:يمكن ودقت مرة تانية على اخر رنة ردت ليان ليان:الو منال.بدري حضرة ليان ليان:اشفيكي كنت بعيدة عن الجوال والله سامحيني دحين انا في الطريق منال:ليه تقولي انا .. فين رونا ليان:روان ماجات معايا تقول ما فيها تجي منال: اها بكيفها اجل انا استناكي عند الباب وصلت ليان السوق واشترت هيا ومنال فساتين واليوم اللي بعده برضو راحو السوق عشان الباقين يشتروا يوم الملكة ..... اشواق والبنات اتفقوا يروحوا صالون واحد يعملوا شعرهم عنده أشواق:ترا انا بقعد عند رنا بشاير ما منها فايدة.... تقول ايش؟! ... تبغى تجي زيها زي المعازيم ليان:الله يسعدك ويهني اختك بيكي..وبشاير مصيرها تنعدل روان:يلا يابنات نروح السواق برا مرام:استنوا دقيقة بس تركب لي الورود في شعري منال:حاضر ست مش مش وخلصت مرام ورجعوا البيت ..طبعا الملكة كانت في البيت لأن بيتهم كبير ليان:بالله روان شكلي مزبوط.. ليان كانت لابسة فستان ....لونه ليلكي لنص الساق فيه تطريز خفيف ماسك من فوق من دون اكمام وكل ما نزل تحت يوسع ....وصندل كعب من نفس اللون .....ومسوية شعرها كيرلي وحاطة شريطة لونها ليلكي......وحاطة مكياج خفيف مرررة روان:لا ياحبيبتي ما فيكي شي قمر ما شاء الله فستان روان ....كان لونه سماوي هادئ شوي لحد الركبة ماسك من فوق بحبل فيه حزام ابيض تحت الص*ر بشوي مربوط على شكل فيونكة ....ولابسة صندل كعب أبيض فيه فيونكة من قدام على الجنب وحاطة فيونكة صغيرة في شعرها اللي مسويته بف منال:يابنات يلا نروح عند الحريم وفستان منول.....كان لونه ليموني طويل يمسك من الرقبة ظهر مفتوح .....فيه شوي تطريز خفيف ولابسة صندل كعب ليموني ....ومستشورة شعرها مرام:يلا روحي قدام واحنا وراكي فستانها.....لونو أ**د فيه ورود فضي قصير فوق الركبة بشوي ....موديل سبعة من عند الص*ر .....ولابسة صندل فضي رباط بحبال......ومسويه شعرها نصو مفرود ونصو بتسريحه........... ام أحمد:ها ليونة خلصتوا من الكوافيرا ليان:ايوا ياماما ام احمد:طيب ياحبيبتي روحي شوفي مرت عمك اذا تبغى مساعده ليان:من عيوني ام احمد:خذي معاكي روان ليان:سمعتي روان يلا قدامي منال:وانا ايش يقعدني معاكم مرام:مع الخيل يا شقرا >>أحب دا المثل راحوا البنات يساعدوا مرت عمهم وبعد ربع ساعة جات العروسه ومعاها اشواق اشواق:والله ما شاء الله عليكي قمر لا اله الا الله يحفظك ربي رنا:خلاص من يوم ما رحنا وانتي تمدحي فيا مو بس انا الحلوة حتى انتي حلوة اشواق:لا بس انتي غير انتي عروسة رنا:ياحبيبتي يا اشواق مدري كيف راح افارقك لمن اتزوج..وقاموا حضنو بعض نجي لفساتينهم أشواق كانت لابسة فستان خربزي طويل مطرز ....ماسك من فوق من غير حبال وشوي ضيق مبين جسمها وفيه فتحة من تحت من قدام على الجنب .....ولابسة صندل من نفس اللون ....ومسوية تسريحة شوي مرفوعة من ورا مخليتها حلوة..... العروسة كانت لابسة فستان عودي .....فيه نفشة بسيطة من تحت منال:اقول بلا بكبكا(يعني بلا بكا..صيغة مبالغة ) لسى هادي ملكة مو فرح ............ عند الرجال الكل يبارك للعريس ولإخوان العروسة وأبوها سلطان:ماني مصدق ان رنا بتتزوج عماد:أي والله الأيام تمشي مشي توها بنيتي ام سنة صارت عروس ماشاء الله ما شاء الله سلطان ض*ب عماد على ظهره:تتريق انت وشكلك عماد:انا ادري عنك قالب لي ماني مصدق وماني مصدق سلمان:أي والله كلامه صح من يوم ماجيت وانت ترددها عبد الله:ما عليك فيهم قول اللي تبغاه هادي ملكة اختك مين قدك سلطان:كذا الرجال اللي يوقفوا معايا عبد الله:عند الطلب عماد:اقول لا تقلبلي وتسوي نفسك معاه ما كنك قبل شوي تقول سكتو صجني سلطان:افا وانا ولد ابوي افا عبد الله :لا تصدقو هذا واحد حاقد على صداقتنا أقول عماد ليه ما تروح مع اللي قدك شوف ريان جالس لوحدو...>>أحلى تصريفة عماد:انا حر اجلس مع اللي ابغي أحمد توه داخل:سلام ع الحلوين عماد:سلام هاذا خويي جا احمد:فينه خلني اسلم عليه عماد:ههههههههههه يابن الحلال انت خويي احمد:والله بالله قول قسم عماد ببراءة:والله قسم احمد:اقول روح مع اللي قدك ياخي انا اكبر منك عماد:الله اكبر... أكبر مني كلها كم سنة احمد:يلا روح عماد:افا تطردني وانا شادن الحيل بك سلطان:مو كنك اليوم قالب شيبه عماد:اقول سلام اروح مع اللي قدي على قولك وراح جلس مع ريان والعيال

Free reading for new users

Scan code to download app

App Store Google Play

Facebookexpand_more