6

2124 Words

ابو سلمان :سلطان سلطان:سم يبا ابو سلمان:خذ الدفتر ووده لأختك خلها توقع سلطان:سم يبا عند الحريم.... مرام:منال خلي شنطتي عندك بروح عند المراية أصلح شكلي منال:اوكيه وراحت مرام عند الصالة تدور المراية لقت بشاير في وجهها مرام:بشاير بشاير:.(بنت شوي خارجة عن تصرفات بنات العيلة تحب صاحباتها الخبلات اكتر من بنات العيلة وتعتبر بنات العيلة مجانين بنت ماهي مرة حلوة بشرتها قمحية وعيونها سودا وشعرها أ**د واكتر الأحيان تكون تافهة ما همها إلا النت والشات...بس في النهاية تكبر وتعقل):نعم مرام:فين ألاقي مرايا كبيرة بشاير بدلع:في الباث اللي عند باب البيت الثاني مرام:شكرا وراحت لعند المرايا ترتب شعرها وهيا راجعة......... سلطان وهوا رايح البيت دخل من الباب الثاني لأنه فكر وقال اكيد مافي احد في دي المنطقة كلهم مشغولين عند القسم اللي فيه المعازيم ولمن دخل شاف شي ما كان يتوقعه ............... ....................... ................توقعاتكم حبايبي .. سلطان ايش شاف؟؟ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء الثامن...))** سلطان وهوا رايح البيت دخل من الباب الثاني لأنه فكر وقال اكيد مافي احد في دي المنطقة كلهم مشغولين عند القسم اللي فيه المعازيم ولمن دخل شاف شي ما كان يتوقعه مرام لمن شافت سلطان على طول جري لداخل البيت وسلطان جلس مبلم وقاعد يقول ماشاء الله مين هادي القمر ماشاء الله اكيد وحدة من بنات عماني واتصل على أخته أشواق وقالها تجي هي ورنا عشان توقع وراحت رنا وقعت وقاموا يغطرفوا والفرحة كملت بزفة العروس ولبسها العريس الشبكة وتمت الملكة على خير مرت السنة الدراسية كلها روتين شوفوا حال كل شخصية في هادي السنة (ليان:شادة حيلها في الدراسة كان شاغلها موضوع عماد والساعة بس في النهاية نسيت وخلت في بالها ان كل هادا اوهام) (روان:مافي شي جديد بس حيكون لها دور في باقي القصة ) (منال:بتراقب عماد بس ماهي عارفة تفهم منه ولا شي لان طبعه كتوم .وليان نفس الشي ما لقت منها أي رد ) (مرام: تفكر في سلطان والموقف اللي صار ) (أشواق:حبها لعبد الله مثل ماهو وكل ماله يزيد وهي مرة حزينة لانه في بداية الاجازة راح تفارق اختها رنا) (عماد:كل ماله يحس ان منال حتكشفه وهوا طبعا ما يسيبلها مجال وترك موضوع ليان على جنب لأن يبغى يجيب نسبه عشان يدخل طب ...ان شاء الله بالتوفيق) (سلطان: يفكر يخطب البنت اللي شافها بس للحين مومتأكد مين هيا ...) والباقي لا جدييييييييييييييييد في نهاية السنة الدراسية في مدرسة ليان ليان:يااااه اليوم آخر اختبار ونفتك من الاختبارات رغد:وتجينا الاجازة الرائعة الطويلة اللي من زمان منتظرينها ليان:أي والله يارب عدي هالاختبار الأخير على خير ونجيب نسبة حلوة رغد:اللهم آمين.. شوفي ليان فين جواب هادا السؤال امس وانا أذاكر اتصلت عليكي ابغى الجواب لقيت جوالك مقفل قمت اتصلت ع البيت مامتك قالت انك نمتي بدري ليان:أيوة والله اليوم آخر يوم وابغى افلها وانا مصحصحة مو نايمة وانا اصلا أنام دايما بدري مو مثلك أنام الساعة ما ادري كم. رغد:والله انك دجاجة من يومك...المهم فين الجواب واعطت ليان رغد الجواب وكملوا البنات كلام مع المراجعة اللين ما دخلوا الاختبار بعد الاختبار عند روان اللي كانت متفقة مع ليان وبنات العائلة(كانوا في مدرسة وحدة بس كل وحدة مع صاحباتها)انهم يجتمعوا ويفلوها بعد الاختبار ويروحوا لبيوتهم متأخر روان:يوووه فينهم هذولي البنات مايحترموا المواعيد ابد سارة(صديقة روان):هم مايحترموا المواعيد والا انتي اللي مستعجلة توهم البنات طلعوا من الاختبار انتظريهم شوي روان:هوا انا اقدر أسوي شي غير إني انتظرهم ...انتظرهم وأمري لله سارة: الله يعينهم عليكي ياستي اشوا إني مني بنت عمك والا اختك روان:تطولين انتي تكوني اختي اصلا كل البنات يتمنوا يكونوا أخواتي (وكانت ليان وراها)ليان:واضح وانا اشهد انهم ينتحروا زي ما انا راح أسوي روان:افا هادا وانا كنت شادة الحيل فيكي وكنت حقول دحين ليان تجي وتثبت كلامي ليان:اجل اشوا انك ماقلتي وورطي نفسك سارة:شهد شاهد من أهله روان:طيب طيب اصلا مافي احد يدافع عني غير منال (وكمان كانت منال وراها)منال:واضح بس يلا انا أوقف معاكي مع إني ما اعرف ايش الموضوع روان:هادي الأخت ولا بنت العم ولا بلاش ليان تكلم منال:ايش الشياكة هادي وانا اقول انه مافي احد أشيك مني طلع في انتي منال وباين عليها متنرفزة:اشبكم عليا يعني عشان سويت ستشوار ولبست كم أسورة وتظبت وحطيت كحل وقلوس قمتوا عليا ليان:بسم الله علي ماقلت شي غلط وانفجرتي زعلانة وياريتني ما أتكلمت اهو ...وحطت يدها على فمها منال:سوري ليون بس والله تحسسوني إني مرة ما أتشيك وانا اتنرفز .. ومو لازم الواحد يعبي وجهه ويلبس كل شي عشان يتشيك وانا شياكتي على قدي ليان:خلاص سحبنا الكلمة وترا محد اتكلم غيري منال:الا عماد من يوم شافني في الصبح قام يعلق وتصدقي قال نفس الكلام اللي قلتيه بالحرف الواحد شكلكم متفقين ولا كيف ووقتها جو مرام وأشواق مرام:منال اشفيكي معصبة المفروض يكون مودك تمام لأننا خلصنا الاختبارات منال:المفروض بس السيد عماد والست ليان عكروا مزاجي من الصبح القميل دا**ما كنها البنت معصبة وتنكت كمان أشواق من يوم سمعت عماد وليان طالعت في ليان لقتها منحرجة من منال وشوية راح تبكي بس المشكلة أشواق ما تدري ايش السبب خافت تكون منال عرفت باللي صار بين عماد وليان فسألت:طيب ايش صار أتكلمي منال:والله السالفة طال عمركم وانا جاية في الصبح نزلت من غرفتي قابلت عماد في الدرج وزي منتوا شايفين وانا متشيكة على قولتهم مرام:المهم طيب بعدين منال:المهم ياطويلة العمر انه عماد قالي بالحرف الواحد(ايش الشياكة هادي وانا اقول انه مافي احد أشيك مني طلع في انتي)**ايوا نسيت أقلكم ان عماد أشيك واحد في شباب العيلة وليان أشيك وحدة من بنات العيلة^_^** **وهنا ليان وجهها حمر وأشواق انتبهت فقالت:طيب ايش صار اخو ويمزح مع أخته فين المشكلة منال:موهنا المشكلة .. المشكلة في انه حتى الست ليان قامت تتريق علي لمن جيت وقالت نفس الجملة بالحرف الواحد وكأنها هي وعماد متفقين **في دا الوقت الكل طالع في ليان اللي غاصت في الأرض فقامت روان تدافع عن اختها:والله مافيها شي بنت ومتفقة مع ولد عمها انه ينرفزوكي(يعني يخلوكي تعصبي)**وما حست الا بض*بة على كتفها من ليان وقام الكل يضحك ليان تبرر الموقف:والله ماني متفقة معاه ولا شئ .. اصلا شكلك ملخبطة يمكن مو نفس الكلام اللي قلته منال: الا وإذا تبغيني احلفلك انو نفس الكلام واصلا متى انا أحفظ الكلام اللي تقوليه الا اذا أتعاد كم مرة أشواق:خلاص حصل خير حصل خير وايش اللي يخليكي تنرفزي كلها كم كلمة قالتها وندمت عليها منال: انا بس كنت متنرفزة انهم يضحكوا علي عشان انا ما أتشيك دايما ليان قامت باست خد منال:آسفة بس كنت امزح معاكي وتراها صدفة انه يكون نفس الكلام منال:خلاص خلاص انسي بس ياويلكم تعيدوها ليان :مين احنا كلها انا منال:قصدي انتي والسيد عماد ليان مرة متضايقة من كلامها عن عماد وأفكارها متضاربة وتبغى تنتهي من دا الموضوع اللي غير مودها ليان:خلاص ما نعيدها... يلا فلوها لوحدكم انا ابغى اروح عند رغد تبغاني اقعد معاها سيارتها راح تتأخر ومحد قعد معاها سلام أشواق في قلبها *رغد لوحدها ها والا مالك نفس وزعلتي بس أمشيها لك دحين وبعدين ليا كلام تاني شكلك ما نسيتي اللي صار مع عماد بس ابشري بجلسة تحقيق ...ترا ليان قالت لأشواق عالساعة* أشواق: خسارة الجلسة ما تحلى الا بيكي بس في روان تغطي غيابك شوي... سلام*تبغاها تاخد راحتها لأنه باين عليها انها تبغى تبكي* مرام:بكيفك وسلمي على رغد منال:ليان لا يكون زعلتي مني والله ما كان قصدي ليان:لا ما زعلت ولا شي يلا باي منال:باي روان: لا تتأخري تعالي قبل ما يجي السواق بشوي عالأقل تفليها ولو دقيقة ليان وهي رايحة :اوكي منال من غير قصد اتنرفزت من كلام ليان وعماد وكانت راح تنهي الموقف على طول بس فكرت انها من اول تبغى تكتشف اللي بينهم ولازم تكمل يمكن تسحب شي من ليان وحتى لو تعابير وجهها ولمن شافتها زعلت وعصبت وهيا مو من عادة ليان تعصب قررت تنهي الموقف وندمت انها فتحته اصلا لأن صحبتها العزيزة راحت وكله بسببها هي وما فلوها مع بعض وخربت عليها وقررت انها راح تعتذر بطريقتها ولو قالتها ليان انها ما زعلت بس مبين عليها واصلا طبع ليان كتوم فما راح تعترف ابد واستنتجت من عصبية ليان الغير متوقعة منها ان بينها وبين عماد شي وراح تكمل تحقيقها واكتشافاتها أشواق:كدا زعلتي البنت تعرفيها لا زعلت تكره كل شي رغم انها ما تبين بس واضح عليها مرام:واشبك عليها كل اللي صار صدفة وان كانوا متفقين اصلا على قولت روان عادي أولاد عم منال:والله عارفة وراح أراضيها بطريقتي وسوري إني عكرت الحفلة والجمعة الحلوة روان :لا تخافوا ليونة قلبها ابيض وتسامح على طول بس دقيقة وترجع زي ما كانت**وفي قلبها حاسة ان ليان زعلانة مرة مع انه الموقف مايحتاج كل دا الزعل بس يمكن الاختبار ما كان حلو كل شي جايز ** مرام:خلاص بنات ذوقوا الحلا هذا انا مسويتوا أشواق بعد ما ذاقته:يمي يمي لذيذ وكملوا جمعتهم بضحك وسوالف مع ان قلوبهم تقول مسكينة ليان ما فلتها معانا عند ليان ورغد رغد:اشبك رجعتي وليه مبوزة ليان:مافيني شي رغد:مافيكي شي وكل هادي البراطم اللي اصلا ما في برطم مبوزة ليان:رغد ممكن نتمشى شوي في حاجة ابغى اقولك هيا جواي اذا ما خرجتها راح انفجر **في الأصل رغد كانت قاعدة مع بعض البنات وما كانت لوحدها زي ما قالت ليان بس ليان كانت تبغى تتهرب من نظرات أشواق اللي تعرف كل شي ومن نظرات منال اللي تبغى تكتشف كل شي واصلا نفسها انسدت عن كل شي**ما لاحظتوا إني كررت كل شي ههههههههههه** رغد اللي اتأكدت ان الموضوع فيه عماد اللي من يوم دخل حياة ليان صارت كذا تعصب على طول وبس سرحانة مع انها أيام الاختبارات أتغيرت ورجعت الأولية لأنها أخذت عهد على نفسها انها تجيب نسبة دوافير(يعني ميتة ع الدراسة وممتازة مرررة) بس اكيد صار شي مع بنات عمها بدأ يرجعها لحالتها رغد:اوكي بس استأذن من البنات**واستأذنت وراحت معاها اللي من يوم ما مشيو وهيا سرحانة بعصبية رغد:يوووه انا جيت معاكي عشان تجلسي سرحانة كذا ليان:رغد توعديني انك تسمعيني وما تعلقي وتساعديني في اللي انا فيه وما تقوليه لأحد**قالت هالكلام وهيا تطالع رغد بنظرات جديّة وباين عليها انها راح تبكي** رغد اللي خافت على ليان:قولي كلي آذان صاغية ولا تخافي سرك في بير ليان:تفتكري الكلام اللي كلمتك فيه هذاك اليوم في اجازة نص السنة في التلفون عن عماد ..وسكتت رغد اللي من اول عارفه ان الموضوع فيه عماد:ايوا فاكره وكيف انسى الموضوع اللي قلب ليان 90 ْ درجة عن اول ويا خوفي يغيرك 180ْدرجة ليان:وايش دخل هذا الموضوع في تغيري ؟ومين قال إني أتغيرت؟ رغد:تحسبيني ما أعرفك وما أعرف في ايش تفكري ياليان انا صاحبتك من الابتدائي واعرف ايش يزعلك وايش يغيرك, وكمان اعرف السبب ليان: وانا خلاص لازم اقول لأحد ولا راح انفجر وعشان كذا انا لجأت ليكي ابغى حكمتك تشتغل في الموضوع اللي ابغى أقوله وبالله عليكي لا تشتتيني اكتر من انا متشتتة رغد :ولا يهمك حكمتي تحت امرك هاتي اللي عندك ليان أخذت نفس طويل :اااااااه...تعرفي يارغد من يوم شفت عماد في هذاك اليوم في بيت أشواق حسيت ان حياتي راح تتغير وإحساسي كان صحيح بس هل حياتي راح تتغير للأحسن او للأسوأ؟ رغد:لا ان شاء الله راح تتغير للأحسن لا تتفاولي ليان:طيب المهم انا قلتلك انه لمن شفت عينه قرأت لغز وهذا اللغز قلب حياتي فوق تحت لأني....لأني اعرف ان هذا اللغز متعلق بي بس ماني عارفة أحله ماني عارفة ولقيت تفسير واحد...هوا .....هوا...وسكتت سكوتها يدل على بداية موجة بكاء **نشرة جوية هههههههههههه** وكملت: بس خايفة يكون خايفة يكون ....وبدأت تبكي ب**ت وكملت كلامها بـ:ومن هذاك اليوم وانا ضايعة.. ضايعة وو.. وو خايفة إني انا ...انا ...وكمان رجعت سكتت وتبكي لاحظت رغد ان ليان تبكي وما تكمل جملتها وهذا الشي شككها ان التفسير الوحيد هوا ...ان... ان..عماد..يحب ليان.. وليان خايفة من...انها بدي الضغوط ..تحب عماد..:ليان**قالتها رغد وهي تطالع في ليان تبغاها تجاوب ع السؤال اللي اصلا ليان ماسمعته طبعا لأن رغد كانت تكلم نفسها ليان سكتت فجأة وطالعت في رغد ***وحركت براسها يعني ايوا **في قلبها انتي الوحيدة اللي تفهميني من غير ما أكمل جملتي وظلوا يناظروا عيون بعض وهذا الشي أكد لرغد ان تفكيرها صحيح وليان راح تضيع اذا ما ساعدتها رغد:ليان من اليوم ورايح لازم تتأكدي ان شكوكك صح ولا لا ولا تخلي لحظة ضعف تتغلب عليكي ليان:انا أعرف وخططت بس خايفة ..خايفة طيب اذا طلع صح ايش أسوي وإذا ما طلع صح برضو ايش راح أسوي .. ورجعت تبكي رغد:خلاص ليونة انا راح أوقف معاكي يلا وقفي بكي يلا فليها اليوم آخر يوم عشاني .. **وقامت تنغزها(تدغدغها)في أجنابها ليان:ههه بس خلاص هههه اهو وقفت بكى ههههه وهم على هاذي الحالة جت منال من ورا ليان وغمضت عيونها وأشرت لرغد تسكت ليان:بلاش تفاهة هذي الحركة ما أحبها أبدا فأحسن ليكي تبعدي ماني فاضيه لأحد***قالتها بعصبية اللي يشوفها يقول قاتلين لها أحد*** منال وهيا تبعد يدها عن عين ليان:أوف.. أوف كل هذا في قلب الحلوين دحين من مزعلهم؟وايش هذي الموية اللي في عيونك لا يكون رغد كبت عليكي عشان آخر يوم؟**البنت تتمسخر هيا عارفة ان ليان بتبكي بس بتلطف الجو** ليان:الا قولي يدك عورت عيوني من كثر الضغط طلعت الدموع عرفتي دحين ليه في موية في عيني انتي عارفة إني اكره الحركة دي ف*جاءً رجاءً لا تعيديها ....وراحت أخذت شنطتها ومشيت بسرعة....أما منال استغربت مرررة من ليان ابداً هذي مو طريقة تعاملها ولو كانت معصبة ابداً ما تسوي كذا أبداً ليان متغيرة مرة من يوم ما بدأ الفصل الدراسي التاني والسالفة فيها إنّ واصلا الواضح انها قاعدة تبكي منال:اعترفي رغد انتي مزعلتيها رغد:مين قال انها زعلانة منال:مانك شايفة الدموع اللي في عيونها وتقولي مهي زعلانة رغد:هي ماهي زعلانة بس خايفة من النسبة لأنه تراكمي واعتقد انها ما حلت كويس اليوم فهمتي**يوووه ايش يسكت منال ويفهمها لازم اروح قبل ما تفتح محاضرة** رغد:يلا سوري بس لازم اروح سلام وما تركت لمنال مجال ترد وراحت

Free reading for new users

Scan code to download app

App Store Google Play

Facebookexpand_more