7

1690 Words

ليان بعد ما أخذت شنطتها راحت لروان وقالت لها يلا نروح أكيد السواق برا وما دارت وجهها للبنات وراحت بسرعة ولبست عبايتها وخرجت للسواق ..**روان ما كان يمديها ترد على ليان لأنها خرجت بسرعة** روان :يلا سلام مش مش وشوشو نشوفكم على خير الين ما أشوف هاذي اللي سبقتني ايش فيها ما كنها هي اللي قالت اليوم آخر يوم راح افلها ..المهم لا تقطعوا وانا راح اقنع بابا بسفرة يحبها قلبكم مرام:اوكي ولا يهمك وشوفي ليان روقيها خليها تضحك ع الأقل اليوم مو على عادتها مادة البوز(كناية عن الزعل)****مساكين ما تعرفوا انها راح تمد البوز كتير من اليوم ورايح.. وما راح ترجع بسمتها زي اول الا ........خلاص زودتها صح هههه**** روان:ولا يهمك أشواق :سلام وليان لا تشيلوا همها العصر تكون نسيت كل شي *** في قلبها.. والله هذا اللي أتمناه** روان :يلا سلام وخرجت روان من المدرسة بعد ما سلمت ع البنات ولقيت ليان في السيارة وهما في طريق البيت هدوء تام روان حاولت تتكلم بس ليان ما ترد روان:ليان خلاص فكيها اليوم آخر يوم ما صار زعل ليان تطالع فيها وتسكت بس هادي المرة ردت:مين قال إني زعلانة روان:لا تلعبي عليا انا توأمك واعرف كل شي واحس بكل شي ليان:لا تخافي ماني زعلانة ولا شي بس خايفة من النسبة والاختبار اليوم كان مش ولا بد روان:اها **وفي جواها لسى ماهي مصدقة بس ما تبغى تنكد على توأمها أكتر ان كان فيها شي راح تتكلم لوحدها اذا تبغى تقول**رغم انهم تؤام الا انهم مو دايما يفضفضوا لبعض ومايقولوا أسرارهم كلها لبعض .....تؤام غريب** وصلوا البيت وليان سيدا على غرفتها وهذا مو من عادتها لأنها العادة تروح لأبوها وأمها وتسلم عليهم بعدها تطلع الغرفة ............. ...................... .............. توقعااتكم حبايبي .. ليان ونهاية حكايتها مع عماد ؟؟ اشواق و حبها لعبدالله؟؟ وسلطان كيف راح يكتشف من هي البنت اللي شافها ؟؟ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء التاسع...))** وصلوا البيت وليان سيدا على غرفتها وهذا مو من عادتها لأنها العادة تروح لأبوها وأمها وتسلم عليهم بعدها تطلع الغرفة في الصالة ابو أحمد:هلا بروان هلا ..فين أختك؟؟**وكان مرة مستغرب روان سلمت على أبوها وأمها:والله ما أدري يمكن راحت غرفتها ام أحمد: مو من عادة ليان تطلع غرفتها قبل ما تسلم لا يكون زعلانة والا مريضة أبو أحمد:بالله عليكي روان روحي ناديها روان:لا تخاف بابا شكلها بس خايفة من النتيجة بكرة.. من المدرسة وهي تقول خايفة من النسبة ابو أحمد:الله يصلحكم ويوفقكم يابناتي يلا روحي ناديها تتغدى معانا روان:طيب بابا دحين أناديها يلا ...سلام وطلعت فوق ونادت ليان قبل ما تروح غرفتها روان وهي تدق باب غرفة ليان:ليان بابا وماما يقولو انزلي أتغدي يلا ليان:ما ليا نفس شبعانة روان:أقول بلا دلع وأنزلي أتغدي كفاية في المدرسة ما ذقتي ولا شي من اللي جايبينو البنات ليان:طيب ..طيب خلاص دحين أنا جاية بس آخذ شور خفيف وأجيكم روان:اوكي**وراحت غرفتها وقت الغدا الكل نزل بدري ماعدا ليان جات متأخر أبو أحمد :حي الله ليان فينك اليوم ما جيتي سلمتي علي وعلى امك ليان:معليش بابا ابو أحمد: لا عادي بس انا استغربت فيكي شي زعلانة متضايقة؟؟ ليان:لا بابا لاتخاف ما فيا شي بس خايفة من النسبة وهيا محتلة كل تفكيري ونسيت إني لمن اجي اسلم عليكم ابو أحمد:الله يصلحك يابنتي وتجيبي نسبة ترفع الرأس انتي وأختك ليان وروان:آمين ام احمد جات من المطبخ:آمين ويوفقكم في حياتكم يابناتي أحمد:والله اشوف الدعاوي اليوم رايحة للبنات ما في نصيب للشباب منها ابو أحمد :انتوا الخير والبركة والله يوفق الجميع الكل:آمين ريان:يبى انتا عارف إني بثالث ثانوي وإن جبت نسبة حلوة أبي سيارة جديدة وبإذن الله راح أدخل طب مع عماد ليان من يوم سمعت عماد قامت تسمع ومهتمة بالسماع ابو أحمد:انتا جيب النسبة الزينة وأبشر باللي تبي وما دامك تبي تدخل طب فالله يوفقك ..وما شاء الله عماد كمان يبي طب ؟ ريان :أي يبى وهو اللي شجعني اني ادخل معاه ابوأحمد:وما شاء الله ايش ناوين على أي تخصص؟ ريان:انا ان شاء الله تخصص أسنان وهو تخصص أطفال أبو أحمد:ما شاء الله ..الله يوفقكم وترفعوا راسنا وتنفعوا بلدكم الكل:آمين وأتغدوا كلهم الا ليان الا كانت تفكر في كلامهم عن عماد وتسوي نفسها بتآكل عشان لا ينتبهوا عليها وعدا اليوم كله على خير يوم النتائج عند عماد وريان اللي كانوا في مدرسة وحدة عماد:الله يستر ونجيب نسبة حلوة ريان:لا أنا واثق من نفسي شديت حيلي كويس عماد:اللي يسمعك يقول انا ما ذاكرت وفليتها ياخي انا زيي زيك ريان:يلا يلا نروح نشوف أسماءنا اش رأيك اشوف اسمك بدالك ؟ عماد:تسوي فيني خير ريان:يلا انتظرني هنا وراح ريان يشوف النتايج ورجع بعد شوي يمثل انه زعلان وان النتائج كانت وحشة عماد:لا تقول موكويسة بعد التعب دا كله ريان قام يضحك :لا ياخي كنت امزح معاك ماشاء الله علينا دوافير عماد:بشر كم النسبة ؟؟؟ ريان :انت ما شاء الله ماشاء الله يامصري 100% عماد :قول والله !!!!! ريان :والله ما أمزح وانا 98,30 % ماكنت متوقعها بس الحمد لله ربك وفقنا بعد التعب اللي تعبناه عماد:أي والله الحمد لله الحمد لله ورجعوا البيت وبشروهم وقرروا انهم لازم يسافروا مكافئة للناجحين ايوة نسيت البنات شوفوا نسبهم ليان...(99 % ...) روان...(96% ...) منال...(98%...) أشواق...(97%...) مرام...(96%...) عائلة دوافير ماشاء الله ...... في بيت ابو ابراهيم عماد نازل من الدرج متوجه للصالة اللي جالس فيها ابوه قابل منال في الدرج منال:هلا هلا بالدكتور ماشاء الله كيف جبت النسبة دي ياخي عماد:والله اللي يتوكل على ربه يكون معاه ...وانتي ما شاء الله نسبتك ترفع الرأس اكيد انتي أعلى نسبة من بنات عماني منال:ماحزرت صح ان نسبتي عالية بس ماشاء الله ليان أعلى من نسبتي قربت توصلك عماد يكلم نفسه **والله وطلعتي متفوقة ياليان ما شاء الله** عماد:والله وطلع ليكي منافسين وكم نسبتها ؟؟؟ منال:شفت كيف... نسبتها 99%ما شاء الله عماد:ماشاء الله وطلعتوا يالبنات كفو ..خلاص انا راح اكلم ابوي ع السفرة ونقرر فين راح تكون ..انتوا البنات فين حابين تكون؟؟ منال:والله احنا نفكر بلبنان عماد:اجل خلاص لبنان لبنان لأن احنا اصلا ما فكرنا بمكان قلنا أي مكان ينفع منال:طيب يلا نروح نكلم بابا عشان يتفق هوا وعماني...الا اقول عماد:من فين اتعلمتي الا اقول دي اول مرة اسمعها منال:في غيرها ليان المدرسّة حقي عماد:انتي تقعدي مع احد غير ليان كل كلامك ليان علمتني وليان قالت لي منال:ايوا بس ما أستغني عنها الجلسة معها ما تنمل وهيا حبوبة الكل يحبها كلامها زي العسل عماد**في قلبه أي والله وأنا أشهد.. عماد:وليه المدح دا كله في البنت ما صار لا يكون تشتغلي خطابة ؟!!!! منال:لا خطابة ولا شي بس انا زعلتها اخر يوم اختبارات واحس اني أراضيها بكلامي الحلو عنها عماد:طيب طيب يلا ايش كنتي تبغي تقولي منال:كنت ابغى اقول انت راح تسجل طب خلاص ؟؟ عماد:ايوا سجلت في النت وانتظر القبول منال:الله يوفقك عماد:آمين...سلام يبى وراح سلم على أبوهم هو ومنال ابو ابراهيم:ياهلا باللي رفعوا الراس عماد:الله يخليك يبى ابو ابراهيم :ها خلاص اتفقتوا ع السفر وفين عماد:ايوا يبى منال تقول البنات يبغوا لبنان وصراحة احنا الشباب ما اتفقنا على شي وقلت ابلغهم ان السفر حيكون للبنان وأحطهم قدام الأمر الواقع منال:ايوا هذا الفعل الصح ابو ابراهيم :خلاص أنا أتصل على عمانك ونتفق على يوم ونروح كلنا عماد:خلاص يبى اللي تبغاه سويه منال:طلبتك بابا قول تم ابو ابراهيم :تم ولو ايش كان الطلب راح أسويه بعد رفعة الراس منال:الله يخليك لينا بابا.... طلبي هو اننا نأخذ شاليه ع البحر في لبنان وقبلها ابغى اروح السوق انا والبنات عشان نشتري مستلزمات السفر ابو ابراهيم :سمي يبى اللي تبيه سويه عماد يكلم منال جنب إذنها:والله انتوا يالبنات ما راح يجيبها غير انتوا بالله اطلبي يجبلي السيارة الجديدة من لبنان لي شهور اطلبها يقول بعدين اجيب لك بعد ما تكمل سيارتك الاولى سنتين... منال:وايش المقابل؟؟؟؟ عماد:ماتمشي الا كذا انا عارفك ..خلاص اللي تبغيه بس اذا رضي ابوكي منال:خلاص طيب أبيك توديني السوق قبل ما نسافر أنا والبنات عشان نقضي للسفر عماد***يفكر انه اذا أخذها للسوق ممكن يقابل ليان وممكن يعرف شعورها ناحيته والله فكرة حلوة** عماد:طيب تم منال:لا تفرح مو بس كذا طلبي عماد:آمري ست منال ايش كمان منال:تشيل أكياسنا أنا والبنات... عماد: لا والله خدام قالولك والا سواق منال:والله بس هذا المقابل تبغي قلت لأبوك ماتبي خلك من دون سيارة جديدة الين يحن عليك **الله والنذالة** عماد:خلاص اللي تبيه بس قولي لأبوكي دحين بس اذا مارضي مافي شي منال:اوكي***وكلمت أبوها**بابا؟ ابو ابراهيم:نعم يبى ؟؟ منال:بابا ايش رأيك تشتري لعماد سيارة من لبنان مادام اننا رايحين مرة وحدة يستخدمها في السفرة عماد:يابنتي انا قلتله راح اشتري له سيارة بس سيارته ما كملت سنتين خليها تكمل بعدين اشتري له السيارة منال:لا ييا بابا مايصير عماد ما شاء الله جايب مية بالمية المفروض مو سيارة الا تشتري له قطار ههه ابو ابراهيم وعماد قاموا يضحكوا منال:وبابا كمان ريان عمي بيشتريله سيارة جديدة ويمكن خلاص اشتراله وهو جايب نسبة اقل من عماد ابو ابراهيم :خلاص ولا يهمك راح أسوي اللي تبوه وعماد يستاهل القطار على قولتك... **يكلم عماد**خلاص روح اختار السيارة اللي تبغاها وقل للوكالة اننا نستلمها من مقرهم في لبنان عماد:سم يبى **وقام باس راس ابوه**الله يخليك لينا وما يحرمنا منك قام عشان يطلع غرفته وإلا بمنال وراه على الدرج منال:عماد استنى عماد:نعم... بسرعة وراي أشغال منال:بس كنت ابغى اقولك لا تنسى اللي اتفقنا عليه عماد:لا أنا ما أنسى بس متى تبغوا تروحوا؟؟؟ منال:اليوم اذا كنت فاضي عماد :طيب اليوم كلمي البنات وما أبغى احد يتأخر منال:طيب عماد جا في باله انه يسأل هل ليان راح تجي ولا لأ وما فكر عواقب السؤال وبالذات أمام منال اللي تبغى تكشف كل شي عماد:إلا أقول منال منال:اشوف أتعلمنا نقولها عماد:ومنكم نتعلم...ايوا ليان راح تجي ؟ منال ما أنتبهت للسؤال كويس:ايوا اكيد هي اول وحدة اصلا ماتترك السوق والشياكة**انتبهت**وليه تسأل حضرة عماد عن ليان ها قلي ؟؟؟؟؟؟ **وتطالع فيه بنظرة تخوف عماد ارتبك **يووووه اش هادي الورطة**:لا بس كنت ابغى أعرف اذا كانت جاية اقول لريان يجي معايا**وكان باين عليه التوتر منال:طيب ليه ما قلت روان اش معنى ليان؟؟**قلبتها تحقيق** عماد:ماأدري بس جا اسمها كدا ...يلا بسرعة ابغى الحق على قبولي في الكلية سلام **وما أعطاها فرصة تتكلم وجري ع الغرفة** منال تكلم نفسها :في حاجة وراح اكتشفها **وراحت تتصل على ليان والبنات وتقلهم** ....:الو منال:الو هلا ليان كيفك؟ ليان:الحمد لله كيفك انتي ؟ منال:تمام ..اسمعي.. ليان :نعم اسمع منال:اليوم نبغى نروح السوق عشان نقضي للسفر ليان:والله خلاص قرروا نسافر.... ...؟؟؟؟؟؟ منال:... ايوا قرروا ... راح نروح مكان ما قررنا احنا البنات للبنان ....... ليان:والله للبنان ياسلام ..خلاص راح نروح السوق اليوم اكلم ماما وأقولك معني عارفة انها ما راح تقول لا منال:خلاص انا أكلم الباقيين ليان:أشواق خليها عليا أما مرام عليكي وروان أعتقد والله اعلم انها رايحة لسارة اليوم مسوية حفلة نجاح في بيتها وعزمتني بس قلتلها ما فيا للحفلات اليوم بس السوق أكيد راح اروح منال:خلاص يلا اتصلي على أشواق وأنا راح اتصل على مرام ليان:اوكي يلا باي

Free reading for new users

Scan code to download app

App Store Google Play

Facebookexpand_more