8

1716 Words

منال:باي.**وقامت تتكلم في قلبها ...في حاجة ياليان بينك وبين عماد بس خلي الجو يصفالي في لبنان ولمن نرجع يصير خير وحتكوني قريبة مني وراح اعرف بالطيب بالغصب راح أعرف..** وراحت تكلم مرام مرام:ألو هلا منول كيفك؟ منال:تمام شخبارك انتي؟ مرام :الحمد لله اش عندك متصلة الظهر؟ منال:والله متصلة اقلك اننا رايحين اليوم السوق انا والبنات نشتري للسفر بابا قال اليوم انه راح يتفق هوا وعماني الي هما ابوكي واخوانه على يوم السفر وأكيد راح يكون بعد زواج رنا مرام : ماشاء الله الموجز كله..بس خسارة ما أقدر أجي معاكم اليوم ماما رايحة عند صديقتها وهي موصيتها انها تجيبني عشان كل مرة تروح وما أروح معاها ..اكيد انتوا حتروحوا مرة تانية وقتها أروح معاكم منال:خسارة..لا انتي ولا روان راح تجوا ..الله يستر لا يكون اشواق ما راح تجي كمان مرام:ليه ما أتصلتي عليها لسى؟ منال:لا ليان راح تتصل عليها مرام:اها ..متى فرح اختها رنا بالضبط منال:الأسبوع الجاي يوم الثلاثاء مرام :اليوم اثنين صح ؟ منال :ايوا ..خلاص المرة الجاية لمن نروح مافي عذر معانا خلاص؟ مرام:اوكي ولا يهمك منال:يلا سلام مرام:سلام وسلميلي على البنات منال:يوصل عند ليان اتصلت على أشواق ليان ماعندها لعب خشت في الموضوع على طول ليان:أقول أشواق اليوم احنا رايحين السوق تجي معانا؟؟؟ أشواق تبغى تحرجها:وعليكم السلام ليان استحت على دمها :السلام عليكم ...كيف حالك ..سوري بس مرة متحمسة أشواق:الحمد لله طيبة ...لا عادي ما صار شي ليان :ها ايش قلتي تجي نبغى نشتري للسفر أشواق:والله انا ما عندي مانع اصلا باقي لي كم شغلة لفرح رنا ناقصتني ابغى اشتريها بس المشكلة هل ماما ترضى ؟ ليان :ولا يهمك هاتي أكلمها واعطت أشواق الجوال لأمها عشان ليان تقنعها واقنعتها وقفلت السماعة وراحت تكلم منال...اتصلت على جوالها كم مرة ماردت ..قالت أكيد في الصالة ونسيته في الغرفة خليني أتصل ع التلفون واتصلت .....:ألو ................ ...................... ................توقوعااتكم حباايبي .. ايش ممكن يصير في السوق ؟؟ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء العاشر...))** وقفلت ليان السماعة وراحت تكلم منال...اتصلت على جوالها كم مرة ماردت ..قالت أكيد في الصالة ونسيته في الغرفة خليني أتصل ع التلفون واتصلت .....:ألو ليان:ألــ..و السـ..لام عليــ...كم**مسكينة من الربكة أكيد هذا عماد عماد:وعليكم السلام ليان :مم..مكن تعط..ـيني منــ..ال .....:مين أقولها... ليان؟؟؟ ليان راحت فيها هذا كيف عرفني وجلست ساكتة عماد:مادام سكتي فأنتي أكيد ليان ...كيف حالك ؟؟ ليان: ...أنــ..ا تــ..تــ..مام ... بـس كيــف عرفتــ..ني؟؟ ***ماتدري كيف سألت بس اللقافة تعمل عمايل** عماد:خمنت لأن ما في أحد يتصل في الظهر غير بنات خالتي اللي هما انتي وروان وقبل شوي منال قالت رايحة السوق اليوم عشان كدا اكيد انتي المتصلة ليان:اعــ..طيـ..ني منــ..ال لو سمحت **شكلها خافت من ذكائي ههه**عماد:حاضر ست ليان ........منااااال منااااال منال:نعم اش في ؟؟؟ عماد:تعالي ليان ع التلفون منال:دحين ليك ساعة تتكلم في التلفون توك تفتكر ان الاتصال لي؟؟؟ ومن ليان؟؟؟؟ عماد:أي ساعة الله يهداك كلها دقيقة منال:طيب طيب هات **وسحبت السماعة منه وقامت تكلم ليان واتفقوا انهم هم الثلاثة (يعني منال وأشواق وليان )يروحوا السوق المغرب واللي راح يوديهم طبعا عماد المغرب في بيت ليان ليان:روان يلا انا دحين رايحة مع منال ...سلميلي على سارة واعتذري لها عني وقوليلها مرة ثانية ان شاء الله روان:طيب ..اسمعي لا تنسي جيبيلي الخاتم اللي وصيتك عليه لأن اللي عندي راح أعطيه سارة هدية ليان:هوا أنا أقدر أنسى يلا سلام أنا برا عند المرجيحة الين يجوا ياخذوني روان:اوكيه سلام وخرجت ليان عند المرجيحة كانت لسى ما لبست العباية حاطتها عطاوله جنب المرجيحة هيا والشنطة تبعها بعد ربع ساعة وليان قاعدة تتمرجح ليان تكلم نفسها :أشبهم أتأخروا كذا **وقامت تجيب الجوال وفي نفس الوقت انفتح باب الحوش ودخل منه عماد ومنال وليان من الفجعة وقفت مكانها (اكيد تتسآلوا مين فتح الباب .. الحارس هو اللي فتحلهم )ونفس الشي عند منال وعماد اللي كانوا يتكلموا وقفوا فجأة وعماد وليان يطالعوا في بعض شوفوا ايش دار في راس الثلاثة ليان..ليه كل لقاءاتنا كذا ..ليه ماني قادرة افهم اللي في عيونك...وقته دحين وقته بعد مانسييّت نفسي.. منال....طيب طيب انا اوريكم وقدامي كمان.... بينهم شي وإذا تبوني احلف ان في شي حلفت من كثر ما أنا متأكدة...طيب ياليان ماراح أعديها لكي هذي المرة واللي أنا ناوية عليه راح أسويه بس راح أنتظر ليوم السفرة وراح أسوي نفسي ولا كأني انتبهت لشي...ابشروا باللي يحبوا قلبكم عماد...انا لازم أتأكد من شعوري لازم خلاص لازم أحط النقاط ع الحروف بس خلي السفرة تجي ..... منال معاهم وما راح تفوتها على خير من اول وهي تبغى تعرف كل شي....منال.. **.أفتكر انها معاهم وطالع عليها هو وليان في نفس الوقت وليان على طول جري على جوا بعد ما أخذت أغراضها من فوق الطاولة منال:خبله هادي البنت..... ايش فيها ولد خالتها وشافها ما صار شي**وتسوي نظراتها بريئة عشان عماد يظن انها ماهي فاهمة شي عماد :انا أرجع السيارة أنا قلتلك اصلا نأخذهم ونمشي بس انتي اصريتي الا اسلم على خالتي منال:حصل خير حصل خير..امشي ادخل انا أقول لليان تتغطى وقالت لليان تتغطى ودخل عماد سلم على خالته وخرجوا مع بعض ومروا على أشواق وطول الطريق عماد وليان ساكتين ما عدا اشواق ومنال عند السوق وصلوا وقف عماد في المواقف ونزل قامت ليان تكلم أشواق في إذنها ليان:أشواق...أشواق لا يكون الأخ نازل معانا والله ما أقدر أتسوق براحتي معاه خصوصا بعد الموقف اللي صار اليوم أشواق:وايش صار كمان ..مو أقلك فلم هندي .. ليان:بعدين أقلك المهم ماأعرف أتسوق وانا حاسة انه في عين تراقبني أشواق:مين قال انه يراقبك ؟؟؟ ليان:طول ما أحنا جايين في الطريق عيونه ما نزلت عن المراية وكل ما أرفع عيوني تتقابل العيون اقوم أغض البصر أشواق:عادي اعتبريه واحد مغازلجي والا واحد بياع هندي والا عامل البلدية... ليان ما انتبهت على نفسها وقامت ضحكت بصوت عالي الا عماد ومنال سمعوا وقاموا يطالعوا أشواق تبغى ترقع:هههه شفنا واحد شكلوا يموت ضحك وحضرة ليان ما قدرت تمسك نفسها ليان تكمل الترقيع : هههه إي والله ما يعرف للشياكة طريق هههه وطالعوا في بعض وسكتوا منال وعماد صدقوا لأن مافي شي يكذب منال:اسمعوا يابنات اليوم عماد بيتبرع ويشيل الاكياس لينا طول ما إحنا نتسوق أشواق:يسوي فينا خير والله ليان:لا حرام يتعب **ولمن انتبهت لكلامها لقت الكل يطالع فيها بما فيهم عماد قامت كملت:واصلا انا ما أحب احد يشيل لي أكياسي تكفوا انتوا تعبوه وتوفوا كمان الله يعينه ع الاكياس اللي راح يشيلها منال:بكيفك بس اذا تعبتي عادي عماد تحت الطلب عماد:مو عشان راح أشيل أكياسكم تحوليني سواق والا خدام عندك والا ترا راح تلاقيني راجع البيت دحين وأغير رأيي عن المفاجئة اللي كنت ابغى أسويها لكم منال:والله في مفاجئة...خلاص خلاص اسفة عماد:ايوا في ... تحسبيني راح أخدمكم و عندكم السواق من غير لا يكون في شي منال:الله يسعدك ايش هي المفاجئة عماد :المفاجئة تنقسم الى قسمين الا وهما... منال:قلبت لغة عربية اخلص اش هي عماد:الاول راح أخليكم تختاروا محل وكل وحدة تختار شي وأشتريه مهما كان سعره بس قدروا الجيب لو سمحتوا مو تختاروا أغلى شي وأتورط.... منال:ايش الكرم النازل عليك ده وليش احنا بالذات؟؟...وليه؟؟ عماد:والله كنت احسب كل البنات حيجوا مو بس انتوا الثلاثة ... وليه.. لأنكم بيضتوا الوجه بالنسب الحلوة حقتكم وتستاهلوا أي شي منال:والله انك أخ كفو مو زي التانين ولا عبرونا مكتفين بالسفرة ويا ويلهم ان ما كانت طويلة وتكفي وتوفي أشواق:شكرا وما قصرت ياولد عمي ليان:**أكتفت بــ**مشكور... عماد:العفو جميعا..ماسألتوا ايش الشي التاني؟؟!! منال:كل اللي يجي منك عسل بعد ما عرفت ان اخوي كريم وطيب وأحلى أخ في الدنيا عماد:شكرا أخجلتي تواضعي...الشي التاني الي هوا انكم تختاروا مطعم من المطاعم الموجودة هنا ونتعشى سوا هذا اذا ما كان عندكم مانع منال:اكيد ماعندنا مانع ...وبما انك فتحت باب الكرم انا كمان ابغى اهدي اعز وأحب بنت خالة وصديقة عندي اللي هي ليان خاتم ذهب اللي أصلا ما يوفي حقها ذهب وألماس العالم كله وطبعا هي راح تختاروا على ذوقها ..وسبب الإهداء هذا اني ابغى أعتذر عن اني زعلتها آخر يوم اختبارات وما أتهنت بهذا اليوم المميز**وخلصت كلامها والا تلاقي ليان بدأت تبكي منال:خلاص خلاص غيرت رأيي ماراح اعطيكي الخاتم بس لا تبكي انا كنت عارفة انك راح تبكي ما تبطلي مرة حساسة زيادة عن اللزوم عماد في قلبه...والله كل يوم اعرف عنك ياليان شي جديد..حبوبة ..متفوقة ...بكاية .. حساسة..اجتماعية..خجولة.. ذكية.. محترمة..ولسى باقي حعرف كمان لأنه باين انك وحدة مميزة والكل يحترمك ليان قامت تضحك:مين قال اني زعلت ....اصلا وجودك معي أغلى من ذهب العالم وألماسه كله**وقاموا حضنوا بعض منال:حتى لو ما زعلتي انا ابغى اهد*كي الخاتم لأنك تستحقيه عماد:خلاص قلبتولنا هيا نكد واصلا المكان مو مكان تحاضن منال وليان بعدوا عن بعض وكملوا طريقهم يدوروا في السوق وكل وحدة تشيل اللي تشتريه من دون ما يخلوا عماد يشيل بعد اللي قالهم هو مستحيل وقفوا يستريحوا شوي في مكانهم عماد:مادام اننا وقفنا يلا اختاروا المحل اللي تبغوا تشتروا من عنده منال :شوفوا بنات ايش رايكم في هذا المحل باين عنده إ**سوارات حلوة ليان :طيب يلا أشواق :يارب نلاقي شي حلو ودخلوا المحل منال :الله هذي الساعة مرة حلوة خلاص انا راح أخذها وانتي ليان مالقيتي شي حلو ليان:والله كل شي هنا حلو ماني عارفة بس شكلي راح آخذ هذا الخاتم ابو ماسة اللي هنا منال:انتي كل مانروح مكان تشتري خواتم مو توك مشترية خاتم ؟؟!! ليان :وتجيني هداية خواتم...هههه(قصدها على الخاتم الذهب اللي اشترت لها هو ) وهذاك الخاتم لروان هي طلبته ومين قال اشتريت خاتم واحد بس كل اللي عجبني اشتريته منال:هههه..حظك مع الخواتم ماشي ليان:تعالي نشوف أشواق ايش اشترت؟؟ منال:ها أشواق ايش اشتريتي ؟؟؟ أشواق :انا عجبتني هذي الميدالية جاية مع سلسال مرة حلو راح أخذها عماد:ها خلصتوا ؟؟؟؟ منال:ايوا شوف أغراضنا وقول أي شي احلى من الثاني وطبعا من غير ما تعرف حق مين عماد:اوكيه أشوف... وأخذ الأغراض وطبعا اللي هي ميدالية مع سلسال .. وساعة .. وخاتم...وجلس يقلب فيها وأكثر شي عجبه الخاتم لأنه مرره ناعم عماد:الله هذا الخاتم مرة حلو مين اللي عندها ذوق ما شاء الله ..بس ليه خاتم لوحده أحسه مرة قليل هذي شكلها عملت بمقولتي ..قدروا الجيب.. بس مو لذي الدرجة انا ما عندي فلوس ..يلا اللي اشترت الخاتم تروح تشتري حاجة تانية منال:هاذي ليان ما عجبها شي غير الخاتم تقول مالقت شي حلو أشواق:دايما تشتري خواتم ليان:احس انهم مرة نعومين والبنت مو حلو تكون من غير خاتم عماد:طيب يلا روحي اشتري خاتم تاني خاتم واحد مرة قليل ليان:مالقيت شي حلو عماد اخذها فرصة :طيب ايش رايك انا اخترلك خاتم تاني نشوف يمكن ذوقي حلو ............... ............................ ................ التوقعاات مفتووحة حباايبي ..؟؟ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء الحادي عشر...))** عماد اخذها فرصة :طيب ايش رايك انا اخترلك خاتم تاني نشوف يمكن ذوقي حلو أشواق ومنال قاموا يطالعوا في عماد قام عماد يبرر موقفه عشان لا ينفضح عماد:يمكن يوم اضطر اشتري شي حريمي عشان يكون عندي خبرة ....ها ليان اش رأيك اختر لك خاتم؟؟؟؟ ليان:طيب اللي تشوفه***وراح عماد غاص في المحل والبنات راحوا وجلسوا عطاوله في الكوفي اللي قدام المحل وبعد شوي اتصل عماد على منال وناداها وراحت منال وبعدين جات هي وعماد وهم في الطريق

Free reading for new users

Scan code to download app

App Store Google Play

Facebookexpand_more