9

1432 Words

منال تكلم عماد:والله وطلع ذوقك حلو عماد:من جد والا تجامليني ....انا متأكد انه ماراح يعجب بنت عمك ذوقها دلع وصعب وانا ما أعرف لذوق البنات منال:عماد ليش كنت تبغى تختار بنفسك الخاتم لليان؟؟؟ عماد أتورط ايش راح يقول لها بس لحق نفسه:أولاً هي اشترت شي مرة صغير ورخيص وانا ما ابغى احد يقول عني بخيل ثانياً أبغى اوريكم ان عندي ذوق وماني واحد ما أعرف شي منال:اها لا والله طلع عندك ذوق وانا متأكدة انه راح يعجب ليان وراحوا لعند البنات عماد:والله تعبت عبال ما جبت هاذا الخاتم يارب يعجبكم أشواق:لا تخاف راح يعجبنا صح ليان ؟؟؟ ليان :صح أشوف واعطى عماد ليان الكيس وفتحته وعجبها مرة لمن كانت في المحل شافته ليان:تصدقوا هذا الخاتم كنت حأشتريه بس قلت خليني أدور شوي ولمن مالقيت شي دورت عليه بس نسيت مكانه واضطريت اخذ الاختيار الثاني منال:وانا أقول ليش ليان ما أشترته لأنه تقريبا من نفس ذوقك في الخواتم أشواق:والله وطلع ذوقك نفس ذوق ليان يا عماد عماد من يوم وهم يتكلموا وهو يراقب ليان اللي كأنها لقت شي تدور عليه :لي الشرف انه يكون ذوقي مثل ذوق أشيك بنت في العيلة ليان هنا انحرجت منه منال:يلا ايش تبغوا تشربوا عماد عليه الدفع عماد وليان بنفس الوقت:موكا**وطالعوا في بعض وضحكوا منال:وانتي أشواق أشواق:ممم سلاش منال نادت النادل وطلبت وكملوا جلستهم وبعدين راحوا مطعم وأكلوا وبعدها ورجعوا بيوتهم خلال الايام ....كلها مرت خرجات البنات للسوق وهبالاتهم وجمعات يوم فرح رنا......... البنات راحوا الصالون مع امهاتهم اما عائلة أبو سلمان راحت صالون غير عشان العروسة معاهم في الصالون عند البنات روان:ليان بلا هبالة حطي شوية مكياج ليان:لا يا حبيبتي كذا عاجبني مرام:مكياجك مررررة نعوم خليها تضفلك حاجة ليان :اشفيكم عليا انا احب الناعم وما راح احط غامق لو ايش روان:حتى في يوم فرحك ليان:لا ياحبيبتي انا ماراح احط مكياج الا في يوم فرحي ليه عشان اكون غير مرام:وطلع عندك تحليل من دحين ليان:ايوا مو دايما لمن نروح الافراح الحريم يطالعوا في العروسة احلوت بالمكياج ولا لا روان :هههه والله انك تحفة ...روحي عني ليان: اتصل على اشواق اصرفلي واتصلت على اشواق ليان:الو..هلا أشواق :الو...اهلين ليان:اشواق راح تقعدي مع رنا زي الملكة ولا لأ اشواق:ايوا أكيد ليان:خسارة كنت ابغاكي تكوني معانا أشواق:يلا في فرحك ان شاء الله ليان:بايخة....اقول مع السلامة أشواق:هههههه مع السلامة وكملوا في الصالون الين خلصوا كلهم وراحوا عالقصر ايوا صح نسيت الفساتين ***ليان**دايما أبدأ بليان.....ليان كانت لابسة فستان طويل مطرز لونه فيروزي ماسك من فوق بخيط وضيق على جسمها وفيه فتحة من تحت من ورا لحد الركبة.......ولابسة صندل فيروزي ....ومسوية تسريحة مرفوعة..... **روان**كانت لابسة فستان أحمر ....ماسك من فوق من دون حبال كلوش من تحت وفيه ذ*ل طويل ......وصندل أحمر ....ومسوية تسريحة هادية في شعرها **مرام**كانت لابسة فستان بني بحبال من فوق....طويل وفيه تطريز بالبيج ...ومن ورا قماش ساتان يبين ظهرها لونه بيج شفاف فيه تطريز بالبني ...ومن قدام من تحت فيه فتحتين من الجنبين...ولابسة صندل بني ببيج ومسوية تسريحة **منال**كانت لابسة ساري (لبس **با**تاني مدري هندي**مررة حلو ..) لونه عودي ...على شكل بلوزة وتنورة ...مفصولين في فتحة من عند البطن ومن ورا البلوزة فتحة مربوطة على شكل xمن فوق لتحت بحبال ..وفوق من نفس القماش رامية على كتفها قطعة زي الطرحة ......وفاردة شعرها ومستشورته وحاطة في شعرها مثل السلسال ...**ماتعرف اسمه**....ولابسة صندل من نفس اللون .......وحاطة في خشمها زمام موصل للإذن بسلسال... في القصر المعازيم بدأووا يجوا ورا بعض بس ما كانوا كتير القصر كان هادئ والفرح مشي مرررة حلو ليان:روان دقيقة ماما تتصل عليا اروح اشوف ايش تبغى واجي روان :شكلها تبغاكي تسلمي على جارتهم ايام زمان ليان:وايش يدريكي روان:انا أول نادتني وخلتني أسلم عليها ليان :اها يلا سلام وراحت ليان عند امها ليان:نعم ماما ام أحمد:تعالي حبيبتي سلمي على على خالة ام فهد زمان كانوا جيراننا ولينا فترة كبيرة ما شفناهم ليان:ياهلا خالة ام فهد كيف حالك؟ ام فهد:ماشاء الله عليكي الحمد لله يابنتي كبرتي انتي واختك.. انا بخير كيف حالك انتي ؟؟ ليان:الحمد لله ياخاله ام فهد:انتي ليان صح واللي لابسة احمر روان ليان:صح ياخالة ام فهد:ماشاء الله ....شوفي ليان هادي بنتي خلود.. وانتوا صغار كنتوا دايما تلعبوا مع بعض ليان:هلا والله خوخة كيفك؟؟ خلود:الحمد لله تمام ليان:دوم يارب وجلست ليان تتكلم معاهم وعرفت انه خلود بنفس عمرها هيا وروان نروح عند باقي البنات منال:والله شكلها ليان قعدت عندهم روان:أي والله ماشاء الله عليها ليان اجتماعية وعلى طول تدخل جو مرام:بنات أنا جوعانة من أمس ما أكلت شي روان:طيب احنا ايش نسويلك مرام:طيب تتوقعوا البوفيه وصل منال:اتوقع ايوا يلا نروح نشوف روان :روحوا انتوا انا رايحة عند ماما وليان مرام :يلا منال نروح وراحو لعند البوفيه لقوا الباب مردود منال:مرام مو لازم خلاص شكلو في أحد جوا مرام:لا لا تخافي انا أشوف استني....*وراحت شافت مالقيت أحد ودخلوا هيا ومنال وأكلو لهم كم حاجة ....وشوي الباب اللي من ناحية الرجال ينفتح .....منال ما كانت موجودة وقتها خرجت... أما مرام ما انتبهت على طول والا الباب ينفتح ويدخل ..................... ............. ....................... ............توقااعتكم حبايبي .. مين اللي دخل من الباب ؟؟ وهل ام فهد راح يكون لها دور في الرواية ؟؟ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء الثاني عشر...))** ....وشوي الباب اللي من ناحية الرجال ينفتح .....منال ما كانت موجودة وقتها خرجت... أما مرام ما انتبهت على طول والا الباب ينفتح ويدخل سلطان مرام ما عرفت ايش تسوي وقامت تطالع فيه وهوا يطالع فيها والا شوي منال تنادي ::مرااام مرام انتبهت وعلى طول جري على برا وسلطان....والله وعرفت اسمك يامرام بإذن الله تكوني من نصيبي مرام لمن خرجت عند منال قامت ض*بتها على كتفها مرام:يا حمـ...ليه ماقلتيلي انه الباب انفتح منال:والله ماأدري أصلا انا رحت أغسل يدي واحسبك ورايا مادريت انك لسى جوا ....ومين اللي فتح الباب... مرام: ....سلطان اخو اشواق ...ياويلي يافشلتي دحين ايش راح يقول عننا مفجوعين ياكلوا قبل وقت العشا منال:لا تشيلي هم ماراح يقول شي يلا نروح عند البنات مرام في قلبها**ياريتها أول مرة شكله حفظني أصلا** مرام:يلا نروح بعد شوي جات العروسة ومعاها أشواق **فستان أشوااق**كانت لابسة فستان موف مربوط من عند الرقبة ونص الظهر باين وفيه تطريز ومن تحت نازل على طولها وشوي وسيع .....ولابسة صندل موف ....ومسوية شعرها تسريحة مرفوعة والعروسة طبعا فستان أبيض شوي منفوش زفوا العروسة واتصوروا معاهم ودخلوا أخوان العروسة ورقصوا وخلص الفرح وراحوا العريس والعروسة على بيتهم بزفة سيارات بعد أسبوع في بيت أبو أحمد ابو احمد وام أحمد قاعدين في الصالة يتكلموا عن جيرانهم ايام زمان ..ام فهد تفتكروها(نبذة عن عائلة أم فهد...) **ام فهد وابو فهد ناس ماشاء الله عليهم أصل وفصل عائلة محترمة كانوا جيران كأنهم اخوان دائما مع بعض عندهم فهد أكبر عيالهم ضابط أمن وخلود طبعا بعمر ليان وروان بس ماعندهم غيرهم) ابو أحمد :ماشاء الله وأخذتي رقمها ام أحمد :اكيد وقالت ان شاء الله يزورونا ابو احمد :الله يحيهم الا صح ماجابت غير فهد وخلود والا عندها غيرهم ام احمد :لا والله الله مارزقها بعدهم ابو احمد:الحمد لله على كل حال....الا وين البنات؟؟؟ ام احمد:والله فوق في غرفهم يجهزوا للسفرة ترتيبات وخرابيط بنات ابو احمد:ههه وانتي ايش عليكي خليهم ينبسطوا ام احمد:انا ما قلت شي بس السفرة بعد يومين وهم من امس يجهزوا وقالبين غرفهم قلب ابو احمد:الله يصلحهم ويوفقهم ام احمد :امين ليلة السفرة(يعني بكرة الصباح مسافرين) ليان تكلم منال بالجوال:خلاص بكرة ان شاء الله نتقابل في المطار ولا تنسي اللي وصيتك عليه كل شي يكون جاهز منال:لا توصي حريص وانتي لا تنسي شي اوكي ليان :اوكي وناموا كلهم وحتكون السفرة بكرة في الصباح اجتمعوا العوائل في المطار ووركبوا الطيارة في الطيارة ماشاء الله العائلة محتلة كل الطيارة كل فرد من العوائل جا وقاعدين يدوروا اماكنهم وكل واحد يتبادل مع التاني في الأماكن وراح اذكر لكم بعض المواقف اللي حصلت في الطيارة بالصدفة طلع مقعد عماد جنب مقعد ليان عماد:هذا المقعد حق مين...قصده عالمقعد اللي جنبه ليان:مقعدي ليه ؟؟؟ عماد:لا بس أسال ....*وراح عنها وراح عند منال عماد:منال فين جالسة منال:جالسة جنب بابا ...ليه؟؟ عماد:تبادليني بمكاني؟؟ منال:ليه جالس جنب مين ؟؟؟؟ عماد:جنب ليان وصراحة ما أبغى اجلس جنب بنت.. منال:اها *قول ما أبغى أجلس جنب ليان بس انا اوريك**طيب خلاص روح اجلس جنب بابا وانا رايحة عند ليون وراحت عند ليان منال:هلا ليان ..انتي جالسة هنا ؟؟؟ ليان :ايوا...ليه منال:لا بس أتأكد هذا مكان عماد ولا لا ليان:ليه هذا مقعده منال:ايوا وخلاني ابادله ..قال ايه ما يقدر يجلس جنب بنت ليان في قلبها**والله شكله ما يبغى يجلس هنا عشان أنا في.... اكيد كل اللي فكرت فيه اول انه يحبني كان اوهام....** (**مداخلة**عماد بعد يوم خرجتهم يوم الخاتم ..تفتكروه؟؟...المهم ..قرر انه يعامل ليان بصد الين ما يسوي اللي في راسه...) ليان:اها عشان كذا سألني هذا مقعدي ولا لا والا شوي تجي أشواق أشواق:بنات مين فيكم تبادلني ما أحب أجلس جنب الشباك منال:انا مكاني الأول كان جنب الشباك والله فلة جنب الشباك خلاص انا أبادلك...معني توني مبادلة عماد بس يلا ماشي **الطيارة طيارة ابوهم كل شوي يبدلوا الأماكن...هههههههههه..... أشواق:مشكووووورة...وتطالع في ليان اللي مسرحة...اصلا من يوم مشكلة عماد وهي متغيرة والكل ملاحظ... وراحت منال ولقت مقعدها لمن جات بتجلس الا ...:هذا مكانك؟؟؟ منال:ايوا هلا سعيد... سعيد:هلا ...مين ؟؟؟ منال:انا منال...افا نسيتني.... نسيت أيام زمان كيف كنا نلعب

Free reading for new users

Scan code to download app

App Store Google Play

Facebookexpand_more