10

1444 Words

سعيد وهوا يجلس :الله كانت أيام لا تنسى... وكملوا كلام عن الذكريات نتكلم عن أماكن الباقين المهمين طبعا عماد جنب ابوه ليان جنب أشواق منال جنب سعيد روان ومرام وريان جنب بعض عبد الله جنب وحدة لبنانية وسلطان جنب امه والباقين بعضهم مع بعض والبعض متفرقين وحلقت الطائرة بسلام في الجو......... نروح لعند ليان وأشواق أشواق:اش سالفة تبديل الأماكن مع عماد قالت لها ليان كل اللي صار أشواق:طيب اش فيها ما يحب يجلس جنب بنات عادي ليان :خلاص قفلي السيرة ترا انا متنرفزة ولو اتكلمت زيادة راح انفجر أشواق:خلاص خلاص قفلتها ولا تزعلي.... ليان كل شي يصير معاها مع عماد تقولوا لأشواق بس ما قالتلها انها بتتأكد هل الشي اللي شافته في عيون عماد حب ولا لا... وأشواق حاسة انه مو بس مواقف الا في اشياء جوتها بس ماهي راضية تقول وبعدها ليان حاولت تنام الين ما نامت لأنها اصلا صايرة تنام بصعوبة واصلا أمس ما نامت نروح عند روان واللي معاها ..هذول فالينها ولا حاسين بالدنيا جايبين شيبسات وجال**يات (شيبس وشكولاته ) ومشغلين موسيقى بسماعة في اذنهم منال وسعيد على حالهم يتكلموا شوي ويسكتوا شوي نروح لسلطان وامه ام سلمان :ها يا ولدي متى تتزوج ونشوف عيالك زي سلمان سلطان :بدري يما بدري يوم ما أبغى أتزوج راح اجي اقولك ***قريب ان شاء الله بس يارب ترضى العروسة ** .............. ................... ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء الثالث عشر...))** أشواق تصحي ليان:ليان ..ليان قومي بسم الله عليكي اشفيك أشواق انتبهت لليان تبكي وهيا نايمة انفجعت فقامت تصحيها ليان لسى نايمة وتبكي:... أشواق :ليان ليان ..*ليان قامت من دون ما تتكلم أشواق: ليان حبيبتي اشفيكي تبكي بسم الله اقرئي.. شكله كابوس من الشيطان ليان:ابكي انا كنت ابكي مين قال ؟ أشواق:يابنت والله فجعتيني كنتي تبكي وانتي نايمة يمكن عشان نمتي وانتي معصبة ليان :يمكن بس ما حسيت أشواق:يلا روحي غسلي وجهك وتعالي وراحت ليان الحمام(الله يكرمكم)وغسلت وجهها ولمن رجعت كان باين شكلها مرة تعبان أشواق:ليان انتي مانمتي أمس صح ليان:ايوا صار لي أيام ما أنام الا بصعوبة وأرق أشواق :اكيد تفكري في حاجة لا تشيلي شي في بالك ونامي ليان:طيب ممكن أحط راسي على كتفك أشواق :خذي راحتك ونامت ليان على كتفها الين ما وصلوا لبنان في لبنان وصلوا العوائل وحجزوا فيلا من اول لهم ولمن وصلوا للفيلا كل عائلة راحت جناحها واتفقوا انهم يتعشوا في مطعم مع بعض مرت يومين كلها خرجات و لفلفات في الاسواق ما فيها شي جديد في اليوم الثالث البنات قرروا انهم يروحوا الملاهي وكلموا الأولاد وأتفقوا انهم يروحوا وهم في الملاهي روان:يلا ليان تعالي أركبي ياجبانة ليان:لا ياحبيبتي انا ما أحب الصرقعة احب الال**ب الهادئة روان :قولي أنا جبانة وخلاص ليان :لا ياحبيبتي ما أبغى واصلا مررة مصدعة منال:سيبيها براحتها أشواق :اصلا انا كمان ما أبغى أركب روان:براحتكم يلا سلام ...ليان خذي الشنط خليها معاكي واعطت ليان الشنط وراحت ركبت ...كل البنات ركبوا الا أشواق وليان وبرضوا الاولاد ركبوا الا عماد وسعيد وعبدالله أشواق: يلا ليان نروح عند الاولاد ليان :يلا وهم جايين لعند الأولاد عماد استأذن وراح ليان فهمت انه راح عشان ما يبغى يقعد في المكان اللي هيا في بس اصلا هوا راح يشتري من الكوفي ليان وقفت بنص الطريق أشواق :اش فيكي يابنت وقفتي ليان ساكتة ..وتفكر اها شكلوا ما يحبني وكلها كانت أوهام بس خلاص انا راح اتغلب عليها ... اشواق:ليااااااان ليان :ها ...نعم ... أشواق:اشفيكي وقفتي ليان :لا مافي شي يلا نروح وراحوا لعند العيال الين ما البنات جوا وبعدها لعبوا كم لعبة ورجعوا الفيلا اليومين اللي مرت عماد ما كان يروح معاهم يروح لحاله كوفي والكل كان مستغرب بس قالوا يمكن مع صديق له ولا احد في صباح يوم من الأيام اللي مرت عليهم وهما في لبنان راح عماد لحوش الفيلا وهوا مقرر يكلم ابوه عالموضوع اللي كان يخططله في اليومين اللي راحت عماد :السلام عليكم يبى *وجلس مقا**ه**ابوه كان يشرب شاي الصباح ** ابو ابراهيم :وعليكم السلام هلا عماد ...ها كيف السفر استمتعتوا ولا لا عماد:لا والله ما شاء الله لبنان حلوة واستمتعنا ابو ابراهيم:الحمد لله(**حبيت اقلكم ان العلاقة بين عماد وابوه مش ولابد يعني شوي بينهم حدود وابوه مو مرررة معاه ) عماد:يبى انا جاي اتكلم معاك في موضوع وحاب انك تسمعلي للأخر ابو ابراهيم وحاس انه الموضوع جدي:تكلم يابوك عماد:يبى انت عارف اني انا ان شاء الله رايح ادرس طب برا صح ابو ابراهيم :صح ..طيب عماد:بس انا حاب قبل ما أسافر اني ..اني ابو ابراهيم :انك ايش كمل عماد :اني اخطب بنت عمي ليان قبل ما اسافر ابو ابراهيم وهو منصدم:ايش تقول لا مافي زواج الا لمن تكمل دراسة وتتوظف عماد:يبى انا رايح في غربة حبيت يكون عندي احد يساندني فيها وقلت منها اكمل نص ديني ابو ابراهيم :لا ياحبيبي مافي عندنا احد يتزوج الا وعنده وظيفة ويكون معتمد على نفسه ووقت ماتكمل نفسك بنت عمك يجيها نصيبها عماد وهو معصب :بس يبى... ابو ابراهيم قاطعه :قلت لا يعني لا ... عماد قام من عنده وهو معصب وطلع ع البحر وقفل جواله **مو قلتلكم العلاقة مش ولابد ولا أعطاه فرصة يتكلم واصلا الموقف عادي ياما ناس اتزوجوا وهما صغار وعاشوا حياتهم بسعادة بس هوا من يوم ما أتولد عماد وهو مايحبه زي اولاده الباقيين وما عمره اهتم باجتهاده ولا عمره انتبه انه عنده ولد الناس كلهم يتمنوه بس كان يستحقروا ** عماد كان عنده بعثة بعد اسبوع وبعثة في بداية السنة الجديدة وهو من اول اختار البعثة التانية بس بعد موقف ابوه اتصل على المسؤولين واتفق معاهم على البعثة التانية وراح اشترى تذكرة يرجع ع السعودية وبعدها راح البحر يفضفض للبحر حاولوا العيال يتصلوا عليه بس حاط خدمة موجود اللي تعطي الرقم مقفل الكل استغرب وامه قلقت عليه في الليل رجع عماد الفيلا واخذ شنطته واغراضه وامه تكلمه ما يرد في الاخير قلهم انه مسافر وانه راح يروح عالبعثة ومافي شي طمنهم عليه ودع امه واخواته وراح كملوا اسبوعين ورجعوا عالسعودية حالة شخصياتنا عماد...في حالة حزن ومررة زعلان من ابوه ..وكم مرة ابوه يحاول يكلمه يعتذر لأمه او لهم انه مشغول والا بأي عذر والكل انتبه انه في بينه وبين ابوه شي وهو سبب سفرته المفاجئة ...وتقريبا بدأ ينسى ان ابوه رفض طلبه...ولمن يرجع راح يحاول يطلب مرة تانية من أبوه..... ويحاول انه يشد حيله في الدراسة ويصير دكتور ويثبت لأبوه انه مو زي ماهو متوقعه ...بس لين دحين حبه لليان موجود ويزيد كمان ....عمره الحب الحقيقي مايتنسي.... ليان....بدأت تنسى الي صار بينها وبين عماد وأكدت لنفسها ان اللي صار أوهام .....وعدم وجود عماد ساعدها على هذا الشي وبدأت ترجع ليان الاوليه شوي شوي بس أثار الموضوع لسى فيها ... والله يعين من الأيام الجاية منال ....يوم ما قعدت مع سعيد حست انه فيه شي غريب جرئ وصريح وما نسي ايام زمان معاها ... وبأت تخوض تجربة جديدة ... سلطان....قرر انه بعد ماتخلص مرام دراستها يخطبها من عمه .. مرام....روان...أشواق ....لا جديد ريان....... راح يدرس برا بس مو مع عماد اختار بلد تاني لأن قسمه قسم تاني..... رنا....الله يهنيها مع زوجها ...رجعت من شهر العسل اللي كان في ماليزيا ..... سعيد.....اللي باين انه يحب منال بس مو متأكد من شعوره ويوم ما يتأكد من شعوره راح يعترفلها.............................. ............... ....................... ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء الرابع عشر...))** بعد ثلاثة ايام من الرجعة ام احمد:ايوا بكرة جايين ابو احمد:وايش الموضوع المهم اللي قالت انها بتكلمك فيه ام فهد ام أحمد :والله ماأدري بس تقول موضوع مهم ومافيه الا كل خير ابو احمد:الله يعين ...يالله انا خارج تامري علي شئ ام احمد:لا سلامتك نروح لبيت ابو ابراهيم .... منال:بدر ...بدر بدر لا حياة لمن تنادي:.... منال:بدرررررررررر بدر:و**خ نعم ايش تبغي منال:بدر اشفيك مو طايق عمرك بدر:مافيني شي روحي عني .......اوووف منال:دا كله ومافيك شي ...فضفضلي ياخوي فضفضلي بدر:ااااااااه بس ايش اقول وابقي يا منال انا تعباااااااان منال:او ف دا كله في بدير حبيبي بدر:بدير في عينك....خلاص بطلت أقولك منال:لا ياحبيبي قول ماراح اتريق عليك مرة تانية بدر :يامنال انا تعبت من زمان وأنا كاتم في نفسي الين ما طاح الفاس في الراس منال:ليه اش صار بدر:يامنال انا من زمان مخطط اني اخطب جنان بنت جيراننا لأني احبها(**عيلة حبيبة ههههههههه**) ولمن قررت اني اخطبها خليت اخوها ياخذ موافقتها قبل ما أجيب ابوي ويخطبها ولمن سألها تدري ايش جاوبت منال:ايش جاوبت دي الحية... بدر:منال احترمي نفسك ماهي حية منال:حية ونص هادي البنت من أيام زمان وهي تخرب بيني وبين بنات عمي ...المهم ايش جاوبت أكيد رفضت تراها كانت تحب أخو وحدة بنت في المدرسة ويا خوي الله فكك منها لا تضيع نفسك بحبها تراها بنت ما تستحي ....وأزيدك من الشعر بيت تراها تكلم الولد اللي تحبه بالجوال .. بدر فاتح فمه ومو مصدق :بالله انتي تتكلمي من جد؟؟؟ منال:وليه اكذب انا ايش مصلحتي من دا الكلام .... بدر:ماني مصدق ماني مصدق جنان يطلع منها كدا منال:ايوا وكمان اخت الولد اللي يكلمها كنت زمان انا أعرفها في المدرسة قالتلي انهم بعد ما يكملوا سنتين وهما يتكلموا في الجوال راح يروح ويخطبها وبعد كم يوم انا اجبلك الخبر يعني مو بعيدة ترفضك وهيا شابكة مع ولد تاني .....يابدر احمد ربك انه خلصك منها بدر:أحمد ربي اللي خلصني منها الحمد لله الحمد لله.....

Free reading for new users

Scan code to download app

App Store Google Play

Facebookexpand_more