PAGLABAS namin ng arrival airport, napansin kong may dalawang van na nakaparada. At sa palagay ko ito ang susundo sa aming lahat. Wala akong ideya kung kanino ang mga ito . Pero base sa paraan ng pagsasalita ni Mr. Levi, tila siya rin ang may-ari ng mga sasakyan.
Posible kayang may bahay din dito ang mga magulang niya? O baka naman mas tama sabihin na may kumpanya rin ang pamilya nila sa lugar na ito?
Naputol ang pag-iisip ko nang marinig ko si Ms. Savannah.
“Ms. Jamillah, isuot mo itong jacket. Medyo maluwag ’yan, kaya kakasya kahit sa tiyan mo.”
“Ano po ito? Parang ang tigas ng tela?”
“Vest ’yan—bulletproof. Sakaling may barilan na hindi natin inaasahan. Proteksyon mo ’yan, kaya huwag mong huhubarin.”
Inabot ko iyon sa kanya at marahang ipinatong sa suot ko. Sa sandaling iyon, muli
