WALANG ibang choice si Soledad kundi ang sumama kay Ruben. Hindi rin naman niya inakala na ang lugar na pagdadalahan sa kaniya ni Benjamin ay sadyang tago at malayo sa nakagisnan niyang buhay. Probinsya din naman ang Sta. Cecilia pero kahit papaano naman ay may mga lugar doon na puwedeng pasyalan, at masasabi naman niyang maunlad na bayan iyon. Pero ang lugar kung saan siya itinago ng gobernador ay sadyang mahirap matunton. Hindi nga niya akalaing nasa gitna pala ng kagubatan ang bahay na kaniyang tinutuluyan. Masyadong malayo sa sibilisasyon at sa mga tao. May ilang bahay siyang nadadaanan pero malayo ang agwat noon sa kaniyang tinitirhan.
“Ma’am, kumapit lang po kayong mabuti. Baka mahulog kayo,” paalala sa kaniya ni Ruben habang nakaangkas siya sa motor nito. Nakahawak kasi siya sa bay
