HINDI alam ni Benjamin ang mararamdaman niya habang nakikita si Soledad na nakaangkas sa ibang lalaki. Kitang-kita niya ang ngiti sa mga labi nito habang hawak ang balikat ni Ruben. Ilang oras pa lang siyang nawawala sa tabi ng dalaga ay tila nakahanap na kaagad ito ng ibang masasandalan. Hindi ba dapat ay nag-aalala ito sa sitwasyon nila? Pero mukhang nag-e-enjoy ito sa pananatili sa lugar na iyon.
Wala naman siyang masamang tinapay kay Ruben. Dapat nga ay maging masaya siya para kay Soledad dahil kahit papaano ay nagkaroon kaagad ito ng kakilala sa lugar na iyon. Pero bilang lalaki, hindi niya maiwasang magselos. Pero bakit naman siya magseselos? Alam naman niyang walang ibang tinitibok ang puso ni Soledad kundi siya. Kaya hindi niya dapat maramdaman ang bagay na iyon.
"Oh, Benjamin.
