Digby Montrose’s POV
Gabi pa rin. Madilim ang kalsada. Ang tanging ilaw lang ay mula sa mga poste at neon signs ng iilang bukas na establisyemento. Isa na rito ang club sa gilid ng highway—ang Lucent, isang kilalang lugar ng mga elitista at negosyanteng may maduming agenda. At higit sa lahat, pagmamay-ari ito ni Darious.
Tumigil ako sa harap. Tahimik ang makina ng sasakyan pero ang isip ko—nagwawala.
Hindi ko sinabi kay Carla kung saan ako pupunta. Hindi ko rin alam kung anong balak ko talaga. Ang alam ko lang: kailangan ko siyang makita. Kailangan ko siyang harapin.
Humigpit ang kapit ko sa manibela. Naramdaman ko ang tensyon sa buong katawan ko. Lahat ng sinabi ni Darious sa press con kanina—bawat salita—ay parang martilyong paulit-ulit na binabagsak sa ulo ko.
“Ninakaw niya ang bab
