Dahil sa haba ng naipahinga niya kanina kung kaya buong biyahe ay gising siya. Wala siyang ibang ginawa kung hindi ang pagmasdan na lamang ang mga tanawin sa labas ng bintana kahit pa minsan ay wala rin naman siyang matanaw dahil madilim pa.
Balisa siya at hindi alam kung ipagtatapat ba sa kanyang Ama at kuya Simon ang naging karanasan niya o ililihim na lamang iyon. Magiging isa na lang sa madilim niyang nakaraan..
Subalit naroon din ang agam-agam niya na baka mas marami pang mabiktimang kabataan ang Sabel na iyon. Makailang ulit siyang napabuga ng hangin, kailangan niya pa bang problemahin ang ibang tao? Nalampasan niya ang pagiging alipin ng mga ito. Siguro ang kailangan niya na lamang gawin ngayon ay mamuhay ng tahimik at bawiin ang nasayang na ilang buwan sa buhay niya.
Pipilitin n
