CHAPTER 30
LUCAS POV
Tahimik akong nakaupo sa stool sa may counter, habang pinagmamasdan si Zhed na abalang-abala sa kusina.
Ramdam ko ang amoy ng bawang at sibuyas na naghalo sa mainit na hangin pero higit pa doon, may kakaibang aroma na bumabalot sa paligid. Hindi ko alam kung dahil ba sa niluluto niya o dahil sa presensya niya mismo.
Pasimple akong sumulyap sa kanya. Nakatali ang buhok niya ngayon, pero may ilang hibla pa ring nakatakas at nakalugay sa pisngi. Pinupunasan niya paminsan-minsan ang pawis sa noo gamit ang likod ng kamay, tapos itutuloy ulit ang paghahalo sa kawali.
Natural lang siya walang arte, walang pilit pero may kung anong ginhawang dala ng bawat kilos niya.
Napailing ako, sabay pigil ng ngiti. Ano ba ‘to, Lucas? Ngayon ka pa tinatamaan ng ganito?
Baka pag nala
