CHAPTER 17
ZHED QUIAH POV
“Anak, totoo ba ‘to?”
Napalingon ako sa pamilyar na tinig na halos hingal pa sa paglakad. Si Mama, halatang nagmamadali, may hawak pang basang bimpo at kitang-kita ang pagkalito at kaba sa mga mata niya habang papalapit sa akin.
“Totoo ba, Zhed?” ulit niya, halos hindi makahinga sa pagitan ng mga salita.
Nagulat ako. “Ang alin po, Ma?” tanong ko habang tumayo mula sa pagkakaupo sa waiting area ng ICU.
“Na bayad na raw ang bill ng papa mo?”
Napatigil ako. Sandaling natahimik ang paligid, tanging tunog lang ng monitor sa loob ng ICU ang maririnig. Sasabihin ko pa lang sana sa kanya mamaya pagkagaling ko sa nurse station, pero mukhang naunahan na ako.
“Saan niyo po nalaman?” tanong ko, kahit halata sa mukha ko ang pagkagulat.
“Nagpunta ako sa nurse station k
