Abot-abot ang kaba ko habang nasa loob ako ng banyo at hindi ko pa rin mapaniwalaan kung totoo ba ang nakita ko kanina.
Naghilamos ako dahil sa pag-iyak ko kanina at inis na paulit-ulit ko itong hinugasan ng tubig.
Napasabunot ako ng buhok ko at pinilit ang sarili ko na kumalma, parang gusto kong tawagan agad si Kuya Tarick o Tyron pero baka magkamali ako.
Baka mabigla lang kami pare-pareho at umasa na naman sa wala.
Baka kamukha lang niya ang lalakeng iyon pangungunbinsi ko pa sa sarili ko.
Napaigtad ako ng may kumatok mula sa labas kaya kinalma ko na lang muna ang sarili ko.
"Maddie okay ka lang ba?" Si Lety ang nasa labas at nag-aalala ang boses nito.
Pinakalma ko ang sarili ko bago ako lumabas ng banyo. Nakaabang sa akin si Lety at nagtataka na nakatingin sa akin.
"Tinawag ako
