Iris
“ISANG BUWAN na ang nakakalipas simula ng mag-imbestiga ang mga pulis tungkol sa illegal na planta ng tumatakbong mayor na si Alfred De Vega. Nakita ang ilang ebidensiya na siya nga ang nagmamay-ari ng nasabing planta. Sa ngayon ay isasailalim sa drug test ang naturang mayor. ”
“At nagbigay ng pahayag ang anak na babae ni Alfred De Vega na si Kiara. Kiara, anong masasabi mo sa gumawa nito?”
At doon ay tumapat naman ang camera kay Kiara at tumitig ng deretso dito. Habang ako naman ay napangisi.
“Humanda ka, sisiguraduhin kong sisirain ki-”
Naputol na lamang ang panonood ko ng mamatay ang t.v. Nang lingunin ko kung sino ang gumawa nito ay napasimangot na lamang ako.
“Sebastian, ang bastos mo. Kita mong nanonood ako! Bakit mo pinatay?” Naiirita kong tanong at muling sumubo ng mangg
