Iris
“SIGURADO ka ba sa desisyon mo, Iris?” Muling pagtatanong ni Devron habang karga-karga si baby Draixon na ngayon ay mahimbing na mahimbing ang tulog sa mga bisig niya.
Kaya napatango naman ako at sumandal sa sofa na kinauupuan ko ngayon. Saglit kong pinagmasdan si Devron na ngayon ay hinehele ang anak ko at kitang-kita ko sa mga mata niya ang tuwa habang buhat ito.
At habang pinagmamasdan ko ang mag-ninong ay isang rebulto ng tao ang pumasok sa isip ko. Mariin kong pinikit ang mga mata ko at iwinaksi siya sa aking isipan.
Ayoko munang isipin ang taong 'yon, ang kailangan kong isipin ngayon ay ang kaligtasan ng anak ko dahil hanggang ngayon ay hindi pa rin nahuhuli sa Alfred De Vega. Magaling magtago ang gago.
“Baby Draixon, sa akin ka gagaya. Huwag sa gago mong tata-” Pinutol k
