Iris
“IRIS, kumain ka muna. Kailangang malakas ka dahil malapit ka ng manganak.” Saad ni Devron ng tumabi siya sa akin habang nanood ako ng cartoon sa salas.
Siyam na buwan na ang nakakalipas simula ng itakas ako ni Devron kay Sebastian lalong-lalo na kay Alfred De Vega. At sa loob ng siyam na buwan na 'yon ay marami ang nangyari.
Sa Cebu kami itinago ni Devron, sa isang liblib at malayong lugar dahil alam niyang hahagilapin talaga ni Sebastian ang buong Pilipinas makuha lang ulit kami.
Sa loob ng siyam na buwan na 'yon ay pinutol muna ni Devron ang lahat ng koneksiyon niya sa lahat, miski sa mga magulang namin. Lagi niyang sinasabi at pinapaalala sa amin na para rin daw sa kaligtasan ko lalong-lalo na sa magiging anak ko.
At sa loob ng siyam na buwan na 'yon ay hindi ko na alam k
