Samara
Pagkagising ko ng bandang alas singko ng umaga, medyo madilim pa sa labas. Hindi na ako nakaramdam ng antok kaya lumabas na ako ng kwarto ko para sana magluto na ng almusal namin ni James. Nakakahiya na sa kanya dahil siya na lang palagi ang nagluluto kahit hindi kami okay.
“Okay, pupunta ako diyan maya-maya. You'll wait for me at my house.”
Napatigil ako sa paghakbang ng marinig ko ang boses niya. Aalis siya ngayon? At sino naman kaya ang kausap niya? Gusto ko sana maki-usyoso kaso hindi kami okay.
Kumuha ako ng bwelo saka inihakbang ang mga paa palabas ng sala. Nasa labas siya ng bahay ng masulyapan ko siya saglit pero ng makita kong napatingin siya sa akin, kaagad ko naman ibinaling sa direksyon ng kusina ang aking paningin.
Nahigit ko ang aking hininga. Nakaramdam din a
