DUMAAN pa ang mga masasayang sandali sa buhay namin ni Kingsley. Simula nang surpresahin niya ako sa ikapitong anibersaryo ng aming kasal ay mas naging matibay pa ang pagmamahal namin sa isa't-isa. Hindi naman nawawala ang mga away at bangayan dahil normal lang iyon sa mag-asawa pero maganda naman ang idinulot niyon sa aming relasyon sapagkat mas lalong napapagtibay nito ang aming samahan. Naroon pa rin ang mga maiinit na sandali kung saan pinapadama namin ang pagmamahal sa isa't-isa. Hindi na iyon mawawala sapagkat malaking parte iyon ng buhay mag-asawa at dalawang taong nagmamahalan.
Lumipas pa ang mga araw, mga linggo, mga buwan at mga taon ay nanatili kaming matibay ni Kingsley. Mas naging sweet pa kami sa isa't-isa at hindi pa rin nawawala ang kislap sa aming mga mata sa tuwing nagk
