"Good morning daddy-tito!" Bati sa akin ng dalawang bata habang nagtatakbo papunta sa akin. Nandito ako sa kitchen at kasalukuyang nagluluto ng almusal. Wala pa sila Queenie at Beauty at mamayang gabi pa sila dadating.
"Good morning mga baby ko." Ganting bati ko. Binaba ko ang mukha ko at hinalikan nila akong pareho. "Upo na kayo." Utos ko sa kanila na agad nilang sinunod.
Nang maluto ang piniprito kong itlog at hotdog ay inahanda ko na agad ito sa mesa. Itatanong ko sana sa mga bata kung bakit hindi pa lumalabas sa kwarto ang ama nila nang marinig ko ang boses nito.
"Good morning buddies."
Tila nanigas ako sa kinatatayuan ko. Muling bumalik sa akin ang nangyari kagabi. Ang paghalik niya sa akin sa ikatlong pagkakataon. Ang pagkahuli sa amin ng mga bata. Halos wala akong naging tul
