HALOS pitong taon na ang nakalipas. Masasabi kong perpekto na ang aking buhay. Hanggang ngayon ay nanatili kaming matibay ni Kingsley kasama ang dalawang anak naming sina Duke at Luke.
Bagamat may mga problemang dumarating sa amin ay mabilis namin naayos iyon. Agad pinag-uusapan at hindi na ipinagbubukas pa. Dahil sa mga ito ay mas naging matibay ang aming pagsasama. Parang bagong kasal lang daw kami ayon sa aming pamilya dahil naroroon pa rin ang kislap sa aming mga mata sa tuwing nagtitigan at nag-uusap kaming dalawa.
"Daddy-tito! Si Kuya, inaaway ako!" Napalingon ako kay Luke na ngayon ay tumatakbo patungo sa akin. Nandito ako sa kusina at kasalukuyang nagluluto ng aming tanghalian.
Wala kaming kasambahay dito sa bahay namin ayon na rin sa kahilingan ko. Pagkatapos ng kasal namin
