"KAINIS talaga ang John Wayne na 'yan! Sinabihan ko na nga na huwag na akong bilhan ng kung anu-ano, hindi pa rin nakikinig. Very wrong na ang pagiging galante niya. Kahit walang okasyon, binibigyan pa rin niya ako." Ani Keith na ngayon ay inis na inis na ikinikwento ang kabibigay lang na singsing ng asawa niya.
Nasa isang restaurant kami ngayon kasama sina Lyndon, Glenn at Mark. Saktong wala kaming ginagawang lima kaya nagdesisyon kaming magkita at magbonding. Minsanan lang itong mangyari dahil may kanya-kanya kaming mga career at pinagkakaabalahan sa buhay kaya sinusulit na namin ang ganitong mga pagkakataon.
Nakilala ko lang sina Keith, Lyndon at Mark noong ikinasal kami ni Kinglsey. Dati ay mga kasintahan pa sila ng mga kaibigan niyang sina Wayne, Omar at Alfred. Ngayon ay mga asa
