Kabanata 20
Kinabukasan ay maaga akong nagising at ni isang tawag mula sa kanila ay wala kaming tanggap. Matalim kong tinitigan si Dane pagkababa ko sa kusina kasama ang dalawang bata. Alam naman niya kung ano ang ibig sabihin ng mata ko kaya agad siyang umiwas at yumakap kay Peter bago may binulong.
Nang napabaling sa akin si Peter ay umiling lamang siya. Nakahanda na ang pagkain pagkadating namin at gusto ng tatlo ay sa harap ng TV sila pumwesto. Hindi na rin naman ako nagreklamo kahit ayaw ko nang gano’n dahil gusto kong kausapin ang dalawa tungkol sa nangyari kagabi.
Hanggang ngayon ramdam ko pa rin ang maga sa aking pisngi. Nilagyan ko pa iyon ng ice kagabi dahil namumula at sobrang sakit talaga na para bang pinaghandaan niya iyon ng ilang taon na masampal ako.
“Ang sabi niyo s
