IVY’s POV
Noon pa man, madalas kong nakikita ang mga kaibigan ni Dougz sa bahay nila. Pero never naman kaming nagkakilala ng mga ito. Si Wayne ay personal na naipakilala na ni Dougz noong pagkatapos nang aming kasal sa may City Hall. Ang yaman pala ng pamilya nila. May kalayuan ito sa lugar nina Tita Vicky. Ilang oras din ang byahe.
Masaya silang kasama puro tawanan lang kami. Kasama ni Wayne ang girlfriend niya. May partner din si Elmer at si Hendrix ay nagsosolo dahil sa may biglaang lakad ang family ng girlfriend niya. Siya ang mas madalas tuksuhin ng mga ito.
Magdi-dinner muna ang lahat bago ang kanilang bonding. Hindi nila nakasama si Dougz kagabi dahil nagmamadali itong puntahan ako sa bahay ni Tita. Bukas naman ang pamamasyal namin sa falls at sa mga magagandang lugar dito.
