Nagising siya dahil sa sikat ng araw na tumatama sa kanyang mukha.
Napatingin siya sa orasan at alas nwebe na pala ng umaga.
Saka siya muling napapikit.
Teka! Parang may mali yata.
Tinignan niya ang sarili sa ilalim ng kumot at muntik pa siyang mapasigaw dahil sa pagkagulat.
Wala siyang suot na kahit anong damit.
Iginala niya ang tingin sa paligid at hindi ito ang kanyang kwarto.
Nasa kwarto siya ni Hunter.
Napatingin siya sa kanyang tabi at nandun nga ang binata na sarap na sarap pa rin sa pagtulog.
Napatitig siya dito.
Napaka gwapo pa rin nito kahit natutulog.
Napakatangos ng ilong nito na binagayan ng mapupulang labi na humalik sa kanyang buong katawan kagabi.
Ano na lang kaya ang iisipin at sasabihin nito sa kanya?
Bakit ba kasi siya bumigay agad sa mga yakap at halik nito
