Literal na hindi ako nakaalis sa mismong kinalulugaran ko dahil sa narinig mula kay Evan, maang pa akong napatitig sa maamo niyang mukha.
Hindi kaya nananaginip lang siya? At hindi para sa akin iyon? Obvious naman na mukha siyang nananaginip.
Mariin ang pagkakapikit ng dalawang mata niya habang nangungunot ang noo. Humigpit ang pagkakakapit nito sa akin rason para magbaba ako ng tingin sa kamay niya.
Kalaunan nang unti-unti ay bumagsak iyon sa kama. Muling bumalik ang atensyon ko sa mukha nito, bahagya kong hinaplos ang noo niya upang tanggalin sa pagkakakunot.
Alam kong hindi para sa akin ang binitawan niyang salita. Gayunpaman ay sinunod ko ito at wala pa sa sariling tumango-tango kahit hindi naman niya ako nakikita.
Mahina akong napahinga nang malalim, kaagad ding tinanggal ang kam
