Kagaya nga ng pakiusap ko kay Caleb ay tinulungan niya akong magluto ng lugaw— or should I say, siya na mismo ang nagluto dahil ang tanging nagawa ko lang ay ang panoorin ito.
Nakangiti naman akong pinapanood ito, habang siya ay inisa-isa talaga sa akin kung ano ang dapat gagawin. Mabait si Caleb, malambing ang boses niya kaya wala ng hiya-hiya kung humingi ako ng pabor dito.
Bukod sa tama lang ang pangangatawan niya ay matangkad din siya, makinis at maputi ang balat. Maganda ang tindig nito at may maamong facial features.
"All done," masayang sambit niya saka pa inihinto ang paghahalo at kaagad ding pinatay ang kalan.
"Masarap ba?" maagap kong tugon habang naghahanda ng mangkok.
"Hayaan mo na si Sir Evan ang tumikim," aniya saka pa tumawa. "Panigurado naman akong matutuwa 'yon. Sabih
