Hindi ko alam kung paano natapos ang pag-uusap naming iyon ni Evan sa view deck, naalala ko na lang na tumango ako rito bilang pagpayag. Matapos 'yon ay umalis na ito at deretsong nagtungo sa kaniyang kwarto.
Kaya heto ulit ako sa sala, rito na naman ako matutulog as usual. Pero hayaan na, alangan naman kasing magtabi kami ni Evan sa kama, ayaw ko namang mangyari 'yon at baka mahimatay pa ako.
O 'di kaya ay hindi ako makatulog kapag siya ang katabi ko. Isipin ko pa lang na magdidikit ang balat namin ay para na akong kinukuryente.
Wala sa sariling nailing ako at tumagilid ng higa paharap sa pader, paunti-unti ay nilalamon na ako ng antok. Mahimbing ang tulog ko sa mga oras na 'yon, naalimpungatan lang nang magbukas-sarado ang kwarto ni Evan.
Kahit maingat ay dinig na dinig ko pa rin ang
