Nakaupo ako sa labas ng kwarto. Maaliwalas ang kalangitan at masarap sa balat ang mainit init na simoy ng hangin. Malapit na ang pasko at madalang nalang ang mainit na hangin kaya naman nagpatulong ako kay Lora na lumabas muna sandali para magpahangin.
Malaki na ang tiyan ko at hirap na akong umupo sa sahig. Nakahiga ako sa labas kung saan naaarawan ako nang kaunti. Habang si Lora ay nasa kwarto ko at nagliligpit. Hindi na ako halos lumalabas. Kahit sa pagkain ay sa kwarto nalang din ako.
Sabi ni Lora ay tuwing gabi, kapag mahimbing na ang tulog ko, doon lang niya ako nalalapitan. Hindi ko man siya kinakausap. Sa tuwing nakikita ko siya, bumubugso ang galit ko. Dala raw iyon ng pagbubuntis ko sa batang may kakaibang lakas.
Hindi ko maramdaman ang sinasabi nilang lakas na iyon. Bilang in
