"Anong nangyayari rito?"
Tumigil ang mga nag-iinggay na mga nilalang nang lumabas si Goro. Kunot ang noo niya habang pinagmamasdan kami mula sa malayo.
Bahagyang lumakad ang taong-daga kay Goro para magpaliwanag. "Konting kasiyahan lang, Pinunong Goro."
Itinaas ni Goro ang kamay niya na para humawi ng hangin. Bigla nalang tumilapon ang katawan ng taong-daga na nagpadugo pa sa bibig nito.
"Ganyan ka ba lumaban? Hindi patas?"
Hindi sumagot ang kausap niya. "Ako ang harapin mo para patas ang laban," sabat ni Garran.
"Tumigil ka! Sila ang nag-umpisa ng away, marapat lang na sila rin ang tumapos nito!" Hinagis ni Goro ang espada na lagi niyang dala sa tagiliran niya sa buhagin malapit sa akin.
"Sandali lang." Dumating si Lolo Pablo. Pula na ang mukha niya at mukhang nakarami na siya
