"P-pasensya na po. H-hindi po namin sinasadya." Yumuko ang bata na may hawak sa pana.
"H-huwag n`yo po kaming isumbong kay pinuno." Sumunod na yumuko ang dalawa pa.
Agad na lumapit sina Garran at Alec. Kitang kita ko na naluluha ang dalawa. Maging ako ay naramdaman ang magkahalong saya at lungkot na kanilang nararamdaman. Buong akala nila ay sila na lamang ang natitira sa kanilang lahi.
"A-anong pangalan ng pinuno ninyo?" Pigil ang luha ni Alec nang magtanong sa mga bata na tumingala na sa kanila.
"P-pinunong Jael po."
"Huwag n`yo kaming isusumbong."
Nagtinginan ang dalawang magkapatid na kapwa natuwa sa narinig na pangalan.
"Jael? Si Jael na ang pinuno!" Sa sobrang tuwa ay napayakap si Garran sa kanyang kapatid.
"Nasaan si Jael? Dalhin n`yo kami sa kanya." Masayang tungon ni A
