Hindi ko makakalimutan ang araw na ito. Eksaktong isang taon simula nang magising ako sa ospital. Hindi ko maintindihan ang nangyayari noon pero agad kong hinahanap si Archer at Aryana. Mag isa ako sa kwarto ng hospital, gulong gulo pa ang isip ko sa mga nangyayari at hindi ko maalala kung paano ako napunta roon at kung bakit.
Ipinaliwanag sa akin ng nurse at doktor na kalaunan ay nalaman na nagising na ako. Naging maliwanag lang sa akin noong nag kwento sila. Nagkaroon ng sunog sa templong tirahan namin sa kailaliman ng gabi. Maswerteng nailigtas kami ni Archer pero siya ang napuruhan nang madaganan siya ng nasusunog na kahoy.
Walang natamong sugat si Aryana. Sa aming tatlo ay siya ang nakaligtas sa anumang kapahamakan. Nang una kong makita si Aryana ay napaluha ako. Lumaki na siya sa p
