09
Nagising ako mula sa mahimbing na pagkakatulog dahil sa lamig ng paligid. Nang tingnan ko naman ang oras ay alas-kuwatro pa lamang ng madaling araw.
Agad kong kinuha ang cardigan ko mula sa aking maleta at agad iyong isinuot. Balak ko kasing maglakad-lakad sa dalampasigan. Minsan lamang iyong mangyayari dahil wala namang ganito sa syudad kung saan kami nakatira.
Gigisingin ko pa sana si Kia para samahan ako pero napaka-himbing ng tulog niya kaya't hindi na ako nag-abala pa na gisingin siya.
Matapos isuot ang cardigan ay agad din akong lumabas. Muntik na nga akong mapasigaw dahil sa lamig ng hangin sa labas. May iilang staffs na nagkalat sa labas ng hotel pero wala naman akong ka-close sa kanila kaya hindi na ako bumati ng good morning.
Naglakad ako malapit sa dalampasigan at agad
