“Si Dad dapat ang magsasabi niyan, Landon,” napailing si kuya Lennox na para bang dismayado siya sa kaniyang kapatid.
Lito kong tinignan si kuya Lennox. Nakatuon naman ang mga mata niya kay kuya Landon na natahimik at mukhang napaisip sa sinabi kanina. Mas lalo lamang talaga akong naguluhan sa pinag-uusapan nila.
Tumingin sa akin si kuya Landon bago nagkibit ng balikat. “Well, looks like she didn’t get it. I guess it’s fine.”
Nagpatuloy silang tatlo sa kanilang kinakain at nagsimula ng panibagong usapan na para bang walang nangyari. Ako naman, naiwan sa utak ko iyong sinabi ni kuya Landon. Tatanungin ko si Lilith mamaya kapag nakaalis na ang mga kuya namin, pero hindi ko rin sigurado kung magsasabi ba siya sa akin dahil parang ayaw nilang mapag-usapan iyon.
“By the way, I saw your suit
