Parang walang nangyari sa loob ng mansiyon. Isang araw ang lumipas at walang sinabi si papa tungkol sa ibinintang sa akin ng kaniyang asawa. Mas lalo lamang akong kinakabahan dahil wala man lang akong narinig kay papa, sana ay pinagalitan niya man lang ako o kaya naman ay pinagsabihan.
“Nag-aaalala ka pa rin ba sa nangyari, Dasha?” Hinaplos ni nanay Esther ang aking buhok. “Huwag mo nang isipin pa iyon, siguradong ayos na ang lahat…”
Bumuntong-hininga ako. Gusto kong paniwalaan ang sinabi ni nanay Esther, ngunit may pag-aalangan pa rin sa puso ko. Dahil pakiramdam ko ay may mali. Bakit hindi man lang nagalit si papa? Bakit wala siyang sinabi at parang hindi siya naniniwala kay Mrs. Bautista? Nakaupo lamang siya roon at wala man lang nakaaalam kung ano ang nasa isip niya. Totoo bang ayos
