Sa isang iglap, nasa akin na ang usapan at wala na kay Lilith. Noong tanungin niya ang tungkol kay Charlie, alam kong iniiba niya na ang topic ng usapan namin. Mukhang ayaw niya pang pag-usapan ang tungkol kay Keegan.
Hindi sa ayaw kong i-kuwento ang tungkol kay Charlie. Pero hindi ko alam kung tama bang magkuwento ako ng tungkol sa kaniya. Pakikinggan ba ni Lilith ang mga sasabihin ko? Baka ma-bored lang siya at tumigil sa pakikinig. Kung para sa akin, nakaka-engganyo ang mga nangyari noong kasama ko pa si Charlie, baka para kay Lilith ay hindi...
“Do you like tall guys, too, Dasha? Charlie’s tall.”
Kaagad akong umiling. “K-Kaibigan ko s-siya!” Umiling pa ako ulit.
Tumawa lamang si Lilith at tumango-tango, ngunit nakikita kong hindi siya naniniwala sa sinabi ko. Lalo na noong sinagot
