Medyo mabigat pa ang pakiramdam ni Martina paggising niya kinabukasan. Bukas ang lampshade sa bedside table pero alam niyang madilim pa sa labas ayun na rin sa oras na nakita niya sa orasan. It was only four in the morning kaya hindi kataka-taka na medyo malamig pa lalo at bukas ang aircon sa kanyang kwarto.
Mula sa kanyang pagkakatagilid ay gumalaw siya ng kaunti ng maramdaman ang medyo mabigat na bagay sa kanyang tagiliran. Akala niya ay dahil iyon sa naranasang sama ng pakiramdam noong nakaraang araw kaya hinayaan niya lang iyon at muling ipinikit ang mata ngunit lumipas na ang ilang sandali ay hindi iyon nawawala. Kinapa niya ang bandang tiyan at agad na napigil ang paghinga ng maramdamang braso iyon na nakadantay sa kanya.
Pumihit siya paharap sa may-ari ng braso at ganoon na lang a
